Ha ka jingiasiat bad ki pulit kyllon iap 2 ngut, ioh pynlait ia kiba shah rah bor ha WGH District

Shillong, Naiwieng 10:  Dangstep phyrngap mynta ka sngi kala don ka jingiasiat hapdeng ki pulit bad ki briew kiba ym lah ban tip ha khlaw Dibru hajan Bamandanga bad Gaptuli, ha kaba ar ngut ki briew kiba ym lah ban tip kila kyllon iap ha kane ka jingiasiat.

U Superintendent ki pulit jong ka West Garo Hills District la iathuh ba na katei ka jaka la ioh ban pynlait im ia ki ar ngut kiba la shah rahbor ha ki riew sniew, kitei kiba la shah rah bor ki dei na Assam ia kaba la wan buh rieh sha Meghalaya.

Haba ia dei bad ka ejahar kiba la ujor ha Tikrikilla PS Case No. 24(11) 22 u/s 364A/506 IPC la ong ba u wei u briew ba kyrteng u Bikas Chetia na  Guwahati, Assam ba niah Taxi u la shah rahbor ha ka  04.11.2022 na Tikrikilla.

Haka juh ka por 09.11.2022, ki puit jong ka Goalpara na Assam kila pyntip ba wei khynnah la shah rahbor  bad la buh rieh ha ki khlaw jong ka West Gar o Hills bad kane ka long katkum ka ejahar hapoh Lakhipur PS Case No. 418/22 u/s 365/387/34 IPC.

Halor kitei ki ar tylli ki jingujor, ki pulit jong ka West Garo Hills kila pynlong ia ka jingtohkit bad ha kane ka jingtohkit la shem ba ka jingshah rah bor jong kitei ki ar ngut na Assam ka long ban dawa pisa bad kiba rah bor dei ka juh ka kynhun riew sneiw.

Haba la sngewthuh ia ka jinglong ka rukom shahrah bor ki pulit ba kyrpang kum ka kynhun SOT, SDPOD bad SDPODR kila pynlong ia ka jingkhynra ha ka khlaw sorkar kaba don ha Dibru Hills Forest Reserve ha jan Bamandanga bad Gaptuli ha ka miet 9/11/2022.

Ki pulit kila ker kut iakatei ka khlaw bad ha ka por dang step phyrngap dang shu sdang kynjat shai mynta ka sngi ki riew sniew haba ki iohi bala wan ki pulit kila siat bad ki pulit kila pynphia kylla ha kane ka jingiasit kaba la neh kumba lai minit ei ei bad haba la sangeh ka jingiasiat ki pulit kila tur bad ki lap ba don ar tylli ki met iap.Na katei ka jaka ki pulit kila ioh ban pynlait ia ki ar ngut kiba la shah rah bor na katei ka khlaw.

Na katei ka jaka ki pulit kila ioh ban ban tam kawei ka suloi AK-47, kawei ka Pistol 9mm, ki riam shipai, 23 tylli ki kuli 7.62 mm jong ka AK-47 bad 9 tylli ki kuli jong ka 9mm pistol kiba khlem pat pyndon kam, na madan la ioh ban tam ia ki kulit bala dep sait 19 tylli jong ka pistol 9mm bad 14 tylli ki kuli bala dep ban pyndon kam 14 tylli AK-47, na ka liang ki pulit kila pyndep ia ki kam baroh katkum ka ain ha kaba ia dei bad kane ka jingjia.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet