Shillong, Jymmang 03: Ha ka jingialang jong ka Khasi Author Society (KAS) mynta ka sngi kaba la long ha Synod College haba pynthymmai ia ki nongkit kam jong ka seng kila jied biang ia u Prof. DRL Nonglait kum u president ka seng.
Kiwei ki nongkit kam jong ka seng kiba la jied mynta ka sngi, kiba la shah jied biang ha ka juh ka kam ki long u Dr. K D Ramsiej kum u Symbut Presdient, u Dr.R.P Kharshiing kum u general secretary, symbut sekretari u Dr. M M Khyndeit.
Nalor kine la jied ruh ia u bah Phrikshon Kharshiing kum u sekretari ba dei peit ka pla pisa, ka Dr. Barika Khyriem nongbat ia ka pla tyngka, Editor Dr. Thomlin Lynshing, Sekreteri ba dei peit ki kam pynmih kot Dr. Rolingstone Wankhar.
Ki dkhot kiba la shah jied hapoh ka kynhun pyrkhat kam, ki long Prof. B.War, Prof. S Dkhar, Dr. EJ Shongwan, Dr. Fabian Lyngdoh, Prof. Desmond L Kharmawphlang, ki nongshim jingkhein pat Dr. Danison Diengdoh bad bah Banlam Kupar Lyngdoh.
Ia ka seng KAS la seng ha u snem 1979 naduh katei ka snem ka seng kala iaid sha khmat ha ka jingshakri jong ka ban pyniair ia ka thoh katar ha ka ktien khasi bad mynta ki dkhot ka segn kila don haduh 147 ngut haduh mynta ka sngi.
Ha kane ka jingialang kaba la long mynta ka sngi ki dkhot jong ka seng kiba la wan na kylleng kila wan ban ia shimbynta ban ia kren ia kiba bun ki kam kiba ka seng ka la iaid sha khmat ban leit bad kiei kiba ka seng don ban leh nangne sha khmat, ia ka jingialam la pyniaid ba u Prof. DRL Nonglait ha ka jingiadon lang ki nongkit kam ka seng.
