Shillong, Kyllalyngkot 23: U Saleng A Sangma haba kren ha jingialang bala pdiang burom ia u sha ka party Congress ha Congress Bhavan la ong ba umkwah ban shet kylla hynrei ha ka NCP ym lah ban ai ka jingshakri ia ki paidbah.
Ha ka jingkren u Saleng la ong ba u dap da ka jingkmen ban ioh ia treilang bad u President ka MPCC bad ha ka jingdon lang u Mathew Anthony ba wan na ka AICC, ha kane ka sngi baroh ki nongkit kam ka NCP la pyniasoh shaka party Congress mynta ka sngi.
Ha ka jingkren u bah Vincent H Pala la ong ba bun na ki nongialam ki kwah ban ioh ia ka jaka kaba kham biang bad kum juh ka jaka ban ioh ia ka lat ban shakhri ia ki paidbah kham bha bad u saleng u don dei u wei na ki nongialam ban dang kiew ha ka sain pyrthei.
U Salseng u la don ha ka Youth Congress, ha ka Congress u la trei shitom u la jop ruh iaka elekshon MLA na ka party Congress hynrei ki ki don ki briew kiba peit ia ban kan long ka jingma ia ki la kyntait ban ai tiket ia u, dei na kata u sa poi sha ka NCP hynrei kam shym don ka lynti bad mynta la wan biang sha ka Congress.
Haba ia dei bad u bah Richard Sing na Jaintia Hills u bah Pala ula ong ba ula juh khot ia u ban wan sha ka Congress hynrei bun sien u la kiar bad mynta u la wan biang sha ka party bad kane kan dang pynkhlain ia congress.
La ong ba ka Congress kala dep ban pynbna tiket na ki 57 tylli ki konstitwensi bad ar lane lai tylli ki nym pynieng kytong na ki daw kiba ka party ka sngew thuh ban nym pynieng briew la ong ba la kumno kumno 26 tarilk la lah ban pynbna kyrtong.
