Ha ka pham ri blang jong ka tnad ri jingri ka sorkar ha Nongshillong ki don 80 tylli ki blang

Shillong, K.Lyngkot  25: Ka tnad ri jingri jong ka sorkar Meghalaya kala buh ia ka pham ri balang ha Nongshillong kaba hap hapoh jong ka West Khasi Hills District bad ha kane ka jaka ri blang mynta ki don 80 tylli ki blang.

Haba ka jingiakren bad u SP News Agency, haba la poi sha katei ka jaka ri blang, la iathuh da kiba trei ha kane ka jaka ri blang jong ka sorkar ba mynta ki don 80 tylli ki blang namar bun ki blang kmie kila kha mynta u snem.

Ha kane ka jaka ri blang jong ka Sorkar la don u wei u doktor ban peit ia ki blang ha kane ka jaka, kawei ka nurse, ka wei ka ba dei ha ophis bad wei ba trei Master Roll ban peit ia kine ki 80 tylli ki blang kiba don ha kane ka pham jong ka sorkar.

Ka jaka ri blang jong ka sorkar kaba don ha Nongshillong ka long kaba la heh ka jaka, hynrei kumba ka long mynta ia ki blang la shu pynlait kumba long lem ki blang shnong kam don kata ka jingiapher hapdeng ka rukom ri blang ka sorkar bad ba ri ki riew paidbah.

What Next?

Recent Articles

Leave a Reply

Submit Comment

*