Shillong, Naitung 25: Mynta ka sngi ha ka por ba wan phai u myntri kam poh iing na Sohra kila don ki khynnah samla kiba dei ki dkhot jong ka KSU kila rah ia ki jingthoh bad iing ha surok ban pynpaw ia ka jingdawa ba ka jylla ka dawa ia ka Inner Line Permit.
Ha ka meit sngi saitjain pat kila don ki briew kiba la thang ia ki shaka ha surok ha ki bynta jong ka Ri Bhoi District ban pynpaw ia ka jingsngewsih ba u myntri kam poh iing ka Ri India u khlem kren ei ei ha kaba ia dei bad ka jingdawa ILP.
Kane ka jingbym kren ei ei jong u myntri kam poh iing ka sorkar pdeng u Amit Shah kala pyndiaw shibun eh ia ki seng bhalang kiba la dawa ban pyntreikam ia ILP ha kane ka jylla Meghalaya kumba pdiang da ka iing dorbar thawain ka jylla.
Mynta ka sngi ki samla kiba la rah da ki jingthoh ha ka por wan u myntri kam poh iing na Sohra ki long ha Sohrarim, ha Hynniewmer, na ka liang jong u myntri kam poh iing u la iohi ia kane ka jingrah jingthoh ki samla mynta ka sngi.
