Shillong, Naiwieng 19: Ka 1917iTEAMS kabadei ka project jong ka tnad Agriculture, sorkar Meghalaya ka lahiohia ka namlahduh ha ka ‘Digital Transformation in Agriculture’haka 4th Digital Transformation Awards 2021.
Ia kane ka jingiakop la pynlong ha ka 18thtarik u Naiwieng 2021 lyngba ka online platform namar ka jingpyndonkam ka jong kaia ki bor Information Technology ha ka rukom treikam kaba long ka lad jingiarap ia ki nongrep ha ka rep ka riang ka ri India.
Lyngba ka jingai jingmut jongU P. Sampath Kumar, IAS, u commissioner bad secretary ka tnad rep ba rim jong ka jylla, ka 1917-Integrated Technology Enabled Agri-Management System (1917iTEAMS) kadei ka rukom pyntrei kam thymmai kyrpang na ka bynta ki nongrep ha kaba iadei bad ka iew ka hat Ia kane la pyntrei kam na bynta baroh ki nongrep hapoh ka jylla Meghalaya.
La sdang ia kane ka kam ha u bnai Nohprah 2017 ban pyniasnoh ia ki nongrep bad ka iew ka hat, da kaba pynbiang iaki kali ha ka dor kaba biang bad ban ai jingtip kham bniah shaphang ka rep ka riang.
Da ka jingdon mynta palat 88,000 ngut ki nongrep,600+ ki nongthied,400+ ki kynhun jong ki nongrep kiba la dep ban register bad 18 tylli ki kali pick-up Agri Response Vehicles, ka 1917iTEAMS.
ka ai jingiarap ei lyngba u nomber 1917 bym don kam ban siew haba phone, kaba peit bniah na kawei ka jakqa bad ka rukom pyniaid ia ki kali, ka rukom ba pyniaid ka dei kaba la shna kyrpang da ka jingiatreilang bad ka Digital India Corporation (DIC) jong ka Ministry of Electronics and Information Technology, Government of India.
Ka 1917iTEAMS ka trei ratbah ban pynia snoh ia ki nongrep bad ki nongthied bapher bapher kiba na ka jylla, na ka thainshatei lam mihngi, na ka ri India bad shabar ri ruh kum juh, kaba la pynkiewia ka jingshalan ia ki mar rep jong ka jylla sha ki iew ki hat sha bar ri.
Ia ki kali la pyndon kam da ki shnong bapher bapher, ki nongrep, ki nongkhaii, ki nongthied, ki kynhun bad ki kynhun bapher, bad kane ka la iarap ban pynpoi ia ki mar na kylleng ki jaka sha ki iew kiba kham heh.
La kyrshan ia ka 1917iTEAMS da ka tnad rep kum juh ka tnad Ri jingri , ka tnad ri Dohkha bad kiwei kiwei ki tnad sorkar, kum ka ICAR, Ka Central Agriculture University, MBDA bad ka State e-Governance Mission Team (S.e.M.T) kaba la wanrah kham jan iaki mat treikam jong ka sorkar sha ki nongrep da kaba shu phone.
Ka jingtreikam lang bad ka Meghalaya Institute of Entrepreneurship (MIE) kaba lamphrang kum ka PMU barim ka la pynlong ka jingiadei kaba khlain bad ki nongrep jong ka jylla bad ka la iarap ia ki ban thied ia ki mar rep na ka jylla baroh kawei bad ban pynkylla ia ki bad ban die pat shabar.
Ha u snem 2020, ka 1917iTEAMS ka la lah ban nangpyn bun ia ki kali da kaba lum lang ia ki kali iew ban pyndap ia ka jingdawa ha ka por khangdam. Lyngba kine ki kali ARV, ka 1917iTEAMS ka la lah ban pynduna ia ki jingduhnong ki nongrep da kaba pynkit mar maria ki mar rep ha ka por kaba biang.
Ki nongthied ruh kiba la dep register bad ka 1917iTEAMS ki lathied bad pynpoi ia ki mar rep sha ki nongdie dienglang, nongdie dukan ha ka por khangdam.
Da ka jingiatreilang bad ka NARI Fresh jong ka East Khasi Hills District Cooperative Milk Union Ltd, ka 1917iTEAMS ka lalah baniarap ban sam bad pynpoi ia ka Chief Minister’s Quarantine Care Package sha ki 22,375 ki longing ha ka por khangdam.
Ha ka por khangdam mynta u snem 2021, ka 1917iTEAMS lyngba ki ki kynhun kiba pynpoi ia ki marrep sha ki iing bad la shah ia ki ban thied ia ki marrep na ki shnong bapher bapher.
