Shillong, Naitung 15:Ka Khasi Students’ Union Umsning Circle lyngba ka Lumumpih unit ka lah ioh ban pyndon burom kyrpang ia ka Lakyntiew Syiemlieh lyngba ka syrnod bad ka khusnam jingiarap ,ia ka Kong Lakyntiew syiemlieh i ba lah pass ia ka HSSLC Examination kaba lah pynlong da ka MBOSE ha ka rta ba 50 snem.
Ha kane ka sngi,lah pyn don burom da ka jingiadon ryngkat lang u Sir Julius Kurbah, Asst Principal ka Balawan College,Peterson Kylla uba dei u President ka KSU Umsning Circle,u Augustine Nongbri uba dei u Vice President ka KSU Umsning Circle,u Lester Nongbet uba dei u Secretary ka KSU Umsning Circle,u Laraplang Nongbri uba dei u President ka Lumumpih Unit lem kiwei kiwei ki dkhot jong ka Seng.
Haba ai jingkren,u Secretary ka KSU Umsning Circle u Samla Lester Nongbet u lah ai khublei kyrpang ia ka Kong Lakyntiew Syiemlieh, ka ba dei kawei na ki Longkmie iba lah pynkyndit thiah ia ki Samla,ki rangbah bad kumjuh ki Longkmie kiba lah ieh shiteng ia la ka jingpule ba kin pyndep ia ki jingpule ha ki kyrdan bapher bapher haba bteng ia ka jingkren jong u,u lah bsut ruh ia ka kyntien shong sbai shong rupa da ka ong
“La phi rit bor la phi tlot,
Jar jar la phi dei ban iam,
Ei ba ong ba phim lah kot,
Sha ka kyrdan bad ka nam.
“Ryngkat ka phuhmut phuhmat Bad ka jingsngew sarong, Dei hok ha ka Lakyntiew Syiemlieh kaba pynkynmaw iangi ha lade,ngi kwah ngin trei shitom, bad ngi ioh.” bad lyngba u soh ka jingjop Ka kong Lakyntiew syiemlieh kan nang iai pynshlur bad ai mynsiem shuh shuh ia kiwei pat ki samla pule ba kin nang iai trei shitom shuh ba kim dei ban duh mynsiem bad iehnoh ia ka jingpule shiteng por, Ka KSU ka sngewkmen ruh ban ioh sngew ba ka kong Lakyntiew syiemlieh wat hapdeng ki jinglong rangbah jong i ruh i dang iai bteng ia ka jingpule bad phong ia ka uniform, ka don ruh ka jingthrang ban bteng ia ka jingpule da kaba in sa pyntbit shuh lyngba ka subject Khasi kumno ba in pynjanai bad pynriewspah ia ka ktien khasi.
Lyngba ka ne ka kyrwoh ka KSU Umsning Circle ka shim ia ka lad ban ai Khublei kyrpang ia i kumjuh ia baroh ki Samla pule jong ka dong ka thain kiba la ioh kheit ia u soh ka jingjop lyngba ki Eksamin HSSLC ba kin dang iai tyngshain bad kan long ka jingmyntoi ia ka thain bad ia ka Jaidbynriew khasi hi baroh kawei bad ka kitbok kitrwiang ruh ia kito ki samla pule baroh ki ba ap ia ka result SSLC ba kin pass bha bad kin iai kiew sha kliar jong ka nam.
Ka kyrwoh na ka KSU Umsning circle Sha ki samla pule ka long, ngim dei ban buh ia ki Jingeh ha khmat , hynrei Minot ban kynjoh Sha ka thong. Ka juk ngi im ka dawa ba ngin ieng iada ia ka jaitbynriew ym shuh tang da ka bor met bor phad hynrei ngi hap ia khun ruh da ka waitlam jong ka jingnang jingstad. Ong u samla James Mawphniang Education secretary KSU Umsning circle.
