Shillong, Risaw 19: Mynta ka sngi ka kynhun shipai suin Eastern Air Command kala pynlong ia ka “Air Fest’ ha Hynniewmer ha upper Shillong ban rakhe ia ka ia ka Diamond Jubilee jong kane ka kynhun shipai da ka jingpyni nam ia ki liengsuin ia pom bad kum juh ia ki helicopter.
Ha kane ka Air Fest, dei ha ka sien kaba nyngkong eh la pyninam ha kane ka dong shatei lam mih ngi jong ka Ri India, ha Shillong ia ki helicopter “Sarang” kiba la pynhun ia ki hajar ngut ki paidbah kiba la poi sha katei ka jaka ban peitkai ia ki.
Na ka liang jong ki shipai suin ruh mynta ka sngi kila iathuh ba kane ka long ka sien kaba nyngkong ba la pyninam ia ki helicopter Sarang ha North East mynta ka sngi ha Shillong, ba ka dei ruh ka sien kaba nyngkong na ka bynta kine ki shipai suin ruh ban pynher ia ki ha ki jaka kiba jrong kum ha Shillong.
Nalor kitei ki Helicopter Sarang, la pynher ruh ia ki liengsuin ia pom ki Su-30 MKI multi-role fighter aircratt kiba don ha ktem shipai suin ha Chabua jong ka jylla Assam, la pyniruh ba kumno la pyndon kam ia ka Mi-17 da ki shipai commando.
