Shillong, Risaw 01: U bah Lamphrang Blah MDC ka Congress na Mawphlang un pyniasoh bad ka party National People’s Party ha ka sngi ba Ar ban wan ryngkat bad ki nongkyrshan jong u ha ophis jong ka party NPP.
Haba kren ha u SP News Agency u bah Lamphrang Blah, la ong ba kila ia rai ha ka jingialang ba la long ha iing sah jong u ha Mawphlang, ma u bad ki nongkyrshan ban rung ha ka party NPP bad ban ia khun ia kane ka ilekshon shiteng samoi kaban long ha ka 30 tarik mynta u bnai.
Kane ka jingmih jong u bah Lamphrang Blah u MDC bala jop saw sien lynter na ka seng Congress na katei ka konstitwensi kala pynkyndit ia ki nongialam congress namar ka party ka tip ia u ba wat hapdeng ki jingkhih phaloh ka sain pyrthei ha KHADC u ne neh ha ka party.
Kane ka jingmih jong u bah Lamphrang ban pyniasoh ia lade sha ka party NPP kala ktah shibun eh ia ka seng Congress, namar ha kine ki 20 snem duna kiba u long kum u MDC u skhem ha ka party hynrei mynta ka jingmih na ka party kala pynlyngoh ia kiba bun ki nongialam ka Congress hapoh ka MPCC, namar u dei u nongialam ka liang pyrshah ha KHADC.
