Ha ka sngi burom ki khynnah pynbna ka KSU Mawbah ban kyrshan skul ei ia kiba pass bha

Shillong, Naiwieng 15: Ka KSU Mawbah Unit kawei naki shnat treikam jong ka KSU Mawprem Circle haka 14tarik Naiwieng 2019 kum ka dak ban Rakhe iaka sngi kyrpang ki khynnah Rit,kala ioh iaka ban sam da ki tiar ban pyndonkam ha skul sha baroh ki hep barit kiba sah ha kane ka shnong bad ka jingleh ia kaba kum kane ka program ha kaba kum kane ka sngi kan long ruh ban kitbok kit rwiang bad ai mynsiem iaki hashwa ba kin leit ban ialeh iaki Exam kut snem ki

Kane ka long ruh ka jingai mynsiem iaki ba kin ialeh bha bad ba kin ioh ban kheit ia u soh jong ka jingjop.Hashwa ban sam ia kitei ki tiar la don shwa ka jing ialang ba lyngkot bad ia katei ka jing ialang la pynïaid da u Samla Aristone Thabah uba dei u President jong ka KSU Unit.

Haba pynshai iaka jingshim jong ka Unit ia kane ka lad ban ai sngewbha iaki khynnah skul ka long kum kum ka dak ban plie lad bad pynshlur iaki khynnah skul ba kin pyndep iaki jing pule ki jong ki khnang ba kin lah ban long ki khlur ba phyrnai iaka Ri bad ka Jaidbynriew haki sngi ki ban dang wan.

Ha kane ka sngi la iathuh ba naka liang ka Unit kala rai ba naduh lashem snem kino kino ki khynnah skul kiba pass bha ba kiba wan bha shakhmat haki Exam jong ki naka liang ka Unit kan iarap ban kyrshan skul ei iaki shi snem khnang ba kan long ka jing pynshlur shuh shuh iaki bad ka jing ia tynrong lang iaka jingkit ba khia jong ki kmie ki kpa.

Ha katei ka sngi la ioh ruh iaka jingkren na i Bah David Syiemlieh iba dei i Rangbah Shnong jong ka Dong Mawbah iba la pynpaw iaka jingkren ba kum ka Unit kala shim ia kane ka kabu ban iakmen lang bad kine ki hep kiba Rit ha kum kane ka sngi kaba kyrpang ka jong ki bad i la kular ruh ba naka liang ka shnong kan ia kyrshan lang iaka KSU lyngba u synñiang u bynhei ha kaba iadei bad ka jing kyrshan skul kumba la thmu da ka Seng.

Ha katei ka sngi laioh ruh iaka jingkren na u General Secretary jong la Mawprem Circle uba la pynpaw iaka jingsngew kmen iaka jingioh ka jong u iaka ban iadon ryngkat lang ha kum kane ka sngi ba kyrpang jong ki hep kiba rit namar ka lawei kaba phyrnai ka dei haka jingtrei shitom jong kine ki hep kiba rit ka ban wanrah pat iaka jabieng kaba proh bad kiban lah ban pynïaid bad ialam iaka jylla hi baroh kawei.

Khatduh laioh iaka jingkren na u Samla Biangbor L.Paliar uba dei u Organising Secretary ka KSU Sengkmie bad uba long kum u kongsan katei ka sngi uba la ai ka jingiaroh iaka jingtrei shitom jong ki dkhot jong ka Mawbah Unit kiba la shim ia kane ka sienjam bad ban pynlong ia kaba kum kine ki program kaba long kum shi bynta ban pynshlur iaki hep ki baroh ba kin ym ieh iaki jing pule jong ki shiteng por.

U la kyntu ruh iaki hep kiba rit ba kin trei shitom bad minot thop haki jing pule ki jong ki namar ha kane ka juk kaba mynta ka dei tang ka jingstad kaba long kum ka waitlam ka ban iakhun ia kiba bun ki jingeh.Khatduh shwa ba un pynkut iaka jingkren ula kyntu iaki hep kiba rit ba kin pynshitom bad ba kin ym pynleh nohei iaka umsyep jong ka jingtrei shitom jong ki kmie ki kpa ba kin kyrshan skul na ka bynta ba phi kum ki khun phin ioh iaka lawei kaba phyrnai haki sngi kiba dangwan.La pynwai iaka jing ialang da ka jingsam iaki ki tiar bad daka jng ia dihsha lang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet