Shillong, Risaw 21: U Phadar Jimmy Marngar mynta ka sngi u la pyntip ba ha ka sngi tep ia u Archbishop Rev Dominic Jala yn pyni paidbah ia ka jinglehniam baroh ha ki Local Tv Chanel. Ban ailad ia ki paidbah ban leit jngoh katduh ia met jong u Archbisop la buh ha iing mane bah haduh ka sngi tep.
La bethah ruh ia ki paidbah ki ban wan sha ka sngi tep ba kin wah ia ki kali ha ki kali kaba ki wan khnang ban ithuh ia kiba wan. Na ka bynta kito kiba don ha Shillong la kyntu ba lada long kaba lah ba kin nym rah kali khnang ba kan nym wan rah ia ka jingkhap ngiah kali.
Ki paidbah mynta ka sngi da ki hajar ngut ki la ia tuid sha iing mane bah jngoh khatduh ia u Archbishop Rev Dominic Jala ha kaba la buh ha poh iing mane bah, ki briew kila ia wan na kylleng yn tang na Shillong hynrei na ki shnong kiba jngai ruh kum juh.
