Shillong, Iaiong 21: Mynta ka sngi u Archbishop Rev Victor Lyngdoh jong ka jylla niam bah Shillong, la phah ia ka jingpyntip sha baroh ki Parish bad sha ki jaka ba don ki kynhun riew niam halor ka jingkhlad noh u kap bakhuid u Pope Francis.
Ha ka shithi kaba la phah mynta ka sngi la ong ba ka jingkhla noh kpa bakhuid ka long ka jingduh kaba khraw ia ka balang bad kum juh ia ka pyrthei baroh kawei, u long shisha u nongsharai mynsiem bad kum juh u ksiang na ka bynta kiba duk, ha ka juh ka por u long ruh u ba kren bha ban ia da iaka mariang.
Kum ka dak jong ka jingsngewsih halor ka jingkhlad noh u kpa bakhuid la bthah ia baroh ki parish bad ki ki seng niam ba kin tid ia ki baja jong ki iing mane mynta ka ka janmeit, dei ban buh ia ka dur jong u kpa bakhuid ha ki iing mane bad ha ki jaka da don ki riew niam.
Ban pynlong ia ka jingknia Mass kaba kyrpang ha baroh ki Parish bad ki jaka ba don ki riew niam ban duwai na ka bynta ka mynsiem jong u kpa bakhuid, haba duwai nai pyndon kam ia ka kyrteng kpa bakhuid tad haduh ban da jied da u wei pat, ia mynta dei ban kynmaw tang ia ki Bisiop.
Ha kane ka jingjia kaba sngewsih la bthah ia baroh ki Parsih bad ki jaka ba don ki seng niam ban nym pynlong kano kano ka jinglehkmen ha kane ka por, baroh ki jaka pule jong ka balang Katholik kin khang ha ka sngi tep ia u kpa bakhuid ia ka tarik ynsa dang pyntip.
La shai ka sngi ba Ar yn pynlong ia ka jingknia mass kaba kyrpang ha ka por 5.30 baje jan meit ha Iing mane bah Laitumkhrah ban duwai kyrpang na ka bynta kpa bakhuid bala khlad noh.
