Shillong, Nailar 08: Mynta ka sngi ka shognknor jong ka Meghalaya Legislative Assembly Committee kaba la tip kum ka “Women Empowerment” kala khot ia ki tnad Social Welfare ban wat jignshai ha kaba ia dei bad ki khynnah kaba ki kmie jong ki kila khlad noh bad ia kiba la ioh ban pynlait na Edenbari Resort na ka jaka jong u Rimpu.
Ka shongknor jong ka Kommittee ka Kong Ampareen Lyngdoh kala iathuh ba ia ka tnad Social Welfare la wan mih khmat da u bah E Kharmalki Secretary bad ki ophisar jong ka tnad ka sorkar.
Ka Kommittee kala ioh ia ka jingpynshai ha kaba ia dei bad ka jingshah pyniap ka kong Siangshai kaba don 10 ngut ki khun ha East Jaintia Hills, na kine phra ngut dei kiba dang rit, na ka liang jong ka committee ka don ka jingsngewkhai bad kwah ba ia kine ki khynnah dei banpeit da ka sorkar.
Ban peit ia ka bha ka miat jong kine ki khynnah dei ban leh lyngba ka tnad Social Welfare bad ha kane ka jingiakynduh mynta ka sngi na ka liang jong ka Social Welfare kala iathuh ba ia ka khun ba dang ar snem yn shimti da ka hynmen jong ka, ia saw ngut ka sorkar ban buh ia ki ha ki jaka jong ka sorkar bad ban pynthikna ba kin ioh ban bteng ia ka jingpule haduh ba kin da kynjoh 18 snem.
Katba ia u wei u khynnah shynrang ba dang 18 snem ba dang hap hapoh ka jingpeit ka kmie yn phah ia u sha ki jaka ai jinghikai khap snniuh, katba ia ki ar ngut kiba 14 bad 15 snem kin ioh ia ka jingiarap na ka sorkar ba kin dang ioh ban pule jong ki.
Ha kawei pat jingshah pyniap jong ka Garcia Bareh, la shim ia rai ba ka kmie ieit ka kong Bina Bareh kan shim ban surmar ia kine ki khynnah ar ngut ba dang phra snem bad 12 snem la bthah ia ka Social Welfare ba kin ai ia ka kaiphot ba pynthikna ba kan don ka jingiarap pisa kaba biang ba ka kmie ieit kaba la 62 snem kan ioh ban sumar ia ki khun khsiew.
Haba ia dei bad ka jingjia ha Nognrah kaba ki ar ngut ki khun kila shah pyniap, ka sorkar kala dep ban ai jingiarap shilak tyngka bad mynta dang pynkhreh ban iarap shuh sa san lak tyngka ba kan lah ban ia khunia ka mukotduma.
Ha kane ka jingialang ka Kommittee kala ia kren ruh ia ka jingioh ban pynlait ia ki san ngut ki khynnah na Rimpu Bagan, na kine ki san ngut lai ngut ki don hapdeng ka rta 17 bad 16 snem bad wei dei khynnah ba dang 15 snem, wei 13 snem bad wei pat ba dang lai snem.
Haba ia dei bad ka Women Empoerment Committee, kaei kaba ki don ka long baki sngewkhia ia ka bha ka miet jong kitei ki san ngut ki khynnah kiba la ioh ban pynlait bad la iathuh ba la ai ka jingiada bad ka jingirap ba kin lah ban im ha ka jingim kaba biang.
