Shillong, Nohprah 24: U Pradip Kumar IPS mynta ka sngi u la wan ban shimti kum u Inspector general ba thymmai jong ki shipai BSF kaba dei jong ka Meghalaya Frontier, ha ka jaka jong u Inderjit Singh Rana ia kaba la phah ia u ban long kum u nongpeit iaka jaka ai jinghikai ha Hazaribagh.
U Inderjit Singh Rana IPS u la bat ia kane ka kam Inspector General jong ka Meghalaya Frontier mynta shisnem hynriew bnai bad mynta la phah ia u sha jaka ai jinghikai jong ki shipai BSF ha Hazaribagh, naduh u snem 2003 bala shah jied kum u IPS na ka jylla Tamilnadu u don ha Delhi haduh ba u la poi sha Shillong.
Haba la shimti kum u Inpsector General jong ka kynhun shipai BSF Meghalaya Frontier u Pradip Kumar IPS u la ban jur ia kawei ka thong kata ka long ban ia trei lang ba baroh ki liang ban iada ha khappud bad ka Bangladesh.
La ong ba ka jingiada ia ka khappud, nalor ki kam pynroi ha kahppud ka jingiadei bad ki paidbah nongshnong kiba don ha khappud kan long kaba kongsan tam la ong u Inspector General ki shipai BSF ka Meghalaya Frontier.
