Shillong, Naitung 28: Ha ka khana parom jong ka jylla Meghalaya naduh ba la ioh ia ka jylla haduh mynta dei tang u Dr Donkupar Roy u ba la ioh ban bat ia ki lai tylli ki kam kiba ha khlieh duh hapoh ka jylla Meghalaya ha ka sian pyrthei.
Ha kane ka jingiaid lynti jong u Dr Donkupar kum u niongmih khmat paidbah, u la ioh ban bat ia ki lai tylli ki kam kiba ha khlieh duh ha ka sain pyrthei, kum u Myntri rangbah ka jylla ha u snem 2008, kum u nongialam ka liang pyrshah ha u snem 2013 haduh u snem 2018 bad kum u Speaker jon ka iing dorbar thawian ka jylla 2018 haduh ba khlad noh mynta.
Kane ka jingkhlad noh jong u Dr Donkupar ka long ka jingduh kabakhraw ia ka jylla namae dei tang ma u bala rim tam ha kane ka iing dorbar kaba mynta u ba la jop lynter naduh u snem 1988 haduh 2018 bad ha kane ka sain pyrthei haduh mynta u la don 31 snem kum u MLA.
Ha kine ki 31 snem jong ka jingiaid lynti u la ia kynduh ruh ia ka jingeh ha kaba u la shah pynduh ia ka jinglong MLA ha u snem 1991 ha ka por jong ka jinglong Speaker jong u Bah PR Kyndiah bam kwai ha dwar u blei bad bad ar ngut kiwei ki MLA.
