Ha Meghalaya ki don kumba 65000 ngut ki nonghikai ha ki rukom bapher bapher: Rakkam

Shillong, Lber 27: U myntri ba dei peit ia ka tnad pule puthi u Rakkam A Sangma haba jubab ia ka jingkylli bala wanrah da u bah Gabriel Wahlang, la ong ba ka sorkar kala shim ia ki lat ki lynti ban pynsuk ia ki nonghikai, da kaba pdiang ia ka “Meghalaya State Education Policy”.

Haba jubab ia ka jingkylli la ka sorkar kan don ne em ia ka jingmang pisa kaba kyrpang ban siew ia ka tulop jong ki nonghikai, u myntri la ong ba na ka liang jong ka sorkar ka dang bishar ia kane ka bynta.

U myntri ka tnad ka pule puthi la ong ba ka jylla Meghalaya ka dei ka jylla kaba don bun ki jingjyrwit ha ka rukom don ki nonghikai, ia mynta ka jylla ka don 65000 ngut ki nonghikai, ban ong ba ai ka jingka jingsiew ia baroh kan long ka jingeh bha ia ka jylla bad ia mynta hi kam don kum katta ka jingpyrkhat.

U Myntri la ong ba ym lah ban tip kiwei kidaw kaba ki khynnah kim treh ban leit pule ha ki skul jong ka sorkar, la ong ba bun ki skul sorkar bad ki SSA skul kaba ka jingdon jong ki khynnah pule ki duna bha, dei na kane ka daw b la pynwan dur ia ka jingbuh ia ki nonghikai ban phah kawei ka skul sha kawei pat bad ka sorkar ka shimkhia bha ia kane.

U Myntri la ong ba ka sorkar kala dep ban pynkiew ia ka grand ia ki nonghikai Adhock ha ka jylla bad ka sorkar ruh ka kwah ban iarap ia ki nonghikai, haba ia dei bad ka State Education Commissioner la ong ba ka kommittee wat bniah kala sdang ia ka kam, ym lah ban ai ia ka por hynrei kan long la kumno kumno hapoh shibnai.

U myntri rangbah ka jylla u Conrad K Sangma haba iarap ban jubab la ong ba ka sorkar mang pisa T.2700 klur tyngka ha ka tnad pule bad na kane ka jingpang mang pisa ka jingsiew tang ha ka tulop jong ki nonghikai ka long T.2200 klur tyngka.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet