Shillong, Kyllalyngkot 18: Ki jingeh ha ka tnad pule puthi ha ka jylla Meghalaya kumba la kdew na ka tnad pule ka long ba ka jylla Meghalaya ka don 29,66,889 ngut ki nongshong shnong bad ki don 14582 tylli ki skul.
Ki nonghikai ki don 55,160 ngut, ki ksul sorkar ki don 7783 tylli bad ki skul kiba ka sorkar ka ai jingiarap ki don 4172 tylli, na kine ki skul ki bynta khynnah skul wat tang u wei u khynnah ruh ki don 206 tylli ha ka jylla baroh kawei.
Ki Deficit bad Adhoc skul ki bym don khynnah skul ki don 18 tylli, ki SSA skul don 30 tylli, ki skul sorkar ki don 11 tylli, kiba don tang u wei khynnah skul pat baroh ki don 2269 tylli, Ki Deficit bad Adhoc skul ki don 1141 tylli, SSA skul ki don 268 tylli, ki skul sorkar ki don 132 tylli.
Ki jait skul bapher bapher kiba don ha kane ka jylla Meghalaya ki long, ki ksul Deficit, Deficit Pattern, Adhoc, skul miet, skul step Adhoc Sec. school, ki skul saian kiba ioh grant na ka sorkar bad ki skul kiba ioh ia ka Hindi Grant, 4th teacher, IE Volunteers bad Pre-Primary.
Ka jingsiew ka sorkar ia ka tulop ia ki skul jong ki riew shimet kaba ka sorkar ka ai grant ka long T. 917/- klur tyngka, ka jingsiew ia ki nonghikai sorkar ka long T.684/- klur tyngka, Ki nonghikai SSA ka jingsiew ka long T.366/- klur tyngka ha kaba baroh kala kot sha ka T.1967/- klur tyngka ha ka shisnem.