Shillong, Risaw 19: Mynta ka sngi u myntri rangbah ka jylla haba plie ia ka ophis jong ka tnad sam um ka jylla ha Tura ia kaba la shna ha ka jinglut kaba T.1.57 klur la ong ba ka jylla Meghalaya kiba laioh ban ring um sha iing kila kot sha ka 2.5 lak tylli ki tnum iing haduh mynta.
Ia kane ka ophis jong ka Tura PHE Division la mangpisa ha u snem 2019 bad mynta la lah ban pyndep ha ka por kaba la buh, kane baroh la lah ban pynurlong dei namar ka jingtrei shitom kane ka sorkar bad khmih lynti ba kan kham pynsuk ha kaba ai ka jingshakri ia ki paidbah.
H akane ka jingialang u myntri rangbah ka jylla la ong ba ka jylla Meghalaya ka dei kawei na ki jylla kiba la pyntrei kam bha ia kane skhim Jal JeevanMission dei halor kane ba ka sorkar pdeng kala ai ia ka khusnam.
La iathuh ba ha u snem 2018 kiba la ioh ban ring umkor ha ki iing ki sem ki long tang 4000 tylli hynrei mynta kiba la ioh ring um kor ha ki iing ki sem kila kot sha ka 2.5 lak tylli ki tnmu iing, ka jingtrei shitom bara bor ka wanrah ia ka jingmyntoi.
Ban pynurlong ia ka jingangnud ki nongshong shnong ha ki jaka sor bad ki shnong kiba heh ka sorkar kala pyntrei kam ia ki skhim bapher bapher kiba la ioh na ka sorkar pdeng kiba dei na ka AMRUT kum ha Williamnagar, katba na ka skhim NESIDS ba dei na ka DoNER la pyntrei kam ha Sohra bad Tura.
