Shillong, Nohprah 15: U additional Chief Secretary u K N Kumar u la ong ba ha Meghalaya yn nym lah ban thung sla ha ki kper kiba heh, ka daw ka long, ba ha kane ka jylla ki duna kiCo-Operative Society kin long kiba khlain, Ka don ka jingbat khyndew kaba heh bad ka bai trei jong ki nongbylla ka long kaba rem bha.
Kane ka dei ka jingai jingmut jong ka ‘Indian Institute of Management’ na Ahmadabad, kila ai jingmut ban pynshlur ia ki briew ba kin thung sla sha ha ki jaka ba shiakar lane ar akar bad rah lang ia ki bad lada long kaba lah ba dei ban don ia ka kyrteng ban ai “Meghalaya Tea” kane ka kynthup ia ka jylla baroh kawei.
Kaei kaba kongsan mynta ka long ba hap ban don ia la ka jong ka kyrteng bad ka sorkar hangne kam dei ban tuklar, kaei kaba ka sorkar ka dei ban leh ka long ban ai ka jingkyrshan ban pyniaid iew ha kawei ka kyrteng lada ym lah ban leh kumta kan long kaba eh ban pyniaid iew.
Ha kane ka sngi u KN Kumar u la pynlait paidbah ia une u sla sha ba khlem pyndon kam dwai ia kaba la tip kum u slasha Arsla ha Shillong Club, u ne u sla sha u dei ba la pynmih na kane ka jylla Meghalaya. Kiwei kiba la kren ha kane ka jingpynlait paidbah ia u ne u sla sha ki long ka kong Rikynti Nongpiur, Bah Mackbul Lyngdoh. Ia une u sla sha Arsla la pynmih da ka kynhun Arsla Organic Tea Co-Operative Society.
