Shillong, Nohprah 28: Mynta ka sngi ka Hima Sohra kala pynbna ba katkum ka rai jong ka High Court jong ka jylla Meghalaya ban ai jingmynjur ia ki bar jylla ban apply Trading Laisen ka long ka jingpynkubor ia ka hima da kane ka rai namar baroh shikatta kam don katta ka jingbthah, la ong u bah B V Rymmai Secretary jong ka hima.
Haba Kren ha ki lat pathai khubor mynta ka sngi ha Shillong, Press Club ha ka jingiadon lang u Syiem Pa,im Freenam Sing Syiem, u Syiem Khynnah bad ki myntri jong ka Hima, u bah Rymmai Secretary la ong ba kane ka jingai bor ka iing bishar ba don burom ka High Court jong ka jylla ka long katkum ki kyndon.
U bah Rymmai la ong ba, halor katei ka jong ka High Court jong ka jylla Meghalaya kaba la pynmih ha ka 16/12/2021, ka hima kala buh ruh ia ki kyndon, bad ki kyndon ki long ba u ne kaba apply ban ioh ia ka jingmynjur jong ka hima ban apply Trading Laisen, u ne ka dei ban don ia dur thep bot.
Kiwei ki kyndon ki long ki dei ban shuhlang ia ki kot ba ki dei ki nongshong, dei ban ioh lang ia ka jingai jingmynjur jong u Sordar shnong, ki dur, ki kot ban pynshisha ba ki dei ki nongshong shnong na ophis jong ka Deputy Commissioner, lane na ophis jong u SDO jong ka Sohra Civil Sub Division.
U Secretary ka Hima Sohra la ong ba kane ka kam ka poi sha High Court, ka long ba ki bar jylla ka thain khappud kila pan jingbit na u SDO bad u SDO phah sha u DC bad na ka DC sha Hima kine ki briew kim shym la wan sha ka Hima, kila leit ban ujor sha iing bishar bad ka iing bishar kala ai ia ka rai ban pynskhem ia ka bor jong ka HIma.
Ka Hima ka pynpaw ia ka jingsngewnguh ia ka KHADC kaba la juh pan ia ki jingthoh na ka Hima na ka por sha ka por ban ai jingmynjur bad ka jingsngewnguh ka long kyrpang ia ka iing bishar namar kala ai bor ia ka Hima ban shim ia ka rai bad ka Hima kala ioh ia ka lad ban buh ia ki kyndon mano ba lah ban apply Trading Laisen.
