Shillong, Iaiong 26: La pynlong ia ka Rozgar Mela 2025 mynta ka sngi ha State Convention Centre, Shillong, ha ka jingiadon lang uMyntri Khynnah ka sorkarpdeng ba dei khmih ia ka Tnad External Affairs and Textiles, u Pabitra Margherita, ka Chief Commissioner jong ka Income Tax, N. Longvah, bad kiwei ki kynrem ki lyndan.
Palat 51,000 tylli ki shithithungkam la sam sha ki samla ba dang shuthungkam thymmai ha ki tnad bad ki kynhun bapher bapher jong ka Sorkar ha ka Rozgar Mela kaba 15 kaba la long ha 47 tylli ki jaka ha kylleng ka ri mynta ka sngi. Ha Shillong la ai ia ki shithi thung kam sha ki 51 ngut ha ki kyrdan bapher bapher/
Ha kane ka jingialang, la aiti ïa ki shithithungkamsha ki kandidet kiba la shah jied na ki tnad treikam bapher bapher, kynthup ïa kaIncome Tax, ka Tnad post, ka Geological Survey of India (GSI), bad ka Indian Railways.
Ha ka jingai jingkren jong u, u PabitraMargherita u labataiia ka RozgarMela kum ka khyrdop ban tei ia ka ri India kaba kham khlain, “Kine kim dei tang ki kam; ki dei ki khyrdop ban tei ia ka ri. Ha kine ki shisnemshiteng, ngi la pynlong ia ka jingpynrung kam da ka jinglong hok kaba pura, kaba pyni ia ka thong jong ka sorkar jong ngi,” la ong u Myntri.
“Ka long kham palat ïa ka shithi. Ka jingïaid lynti jong phi shakhmat kam dei tang ban tei ïa ka kam hynrei ban nohsynñiang sha ka khana jong ka jingkiew shaphrangka ri India. Uwei pa uwei u nongshong shnong uba phi shakri u saindur ïa ka lashai jong ka ri India. To ngin iaidlangshaphrang sha ka Aatmanirbhar Bharat, da ka jngkut jingmut ha ka jingngeit ha ka SabkaSaath, SabkaVikas.”
Haba pdiang sngewbha ia ki nongtrei ba thymmai ha ka jingai jingshakripaidbah, ka N. Longvah ka la ai khublei kyrpang bad pynpaw ka jingsngewnguhïa u Myntri Khynnah jong ka sorkarpdenguba la pliepaidbah ia kane ka jingialang.
“Ka RozgarMela ka pyniïa ka jingangnud ba skhem jong ka sorkar ban pynmih ki lad ioh kam hapoh ka jingïalam jong u Myntri Rangbahduh Narendra Modi,” la ong ka N.Longvah. Haba pynpaw ïa ka jingthmu kaba iar jong ka Rozgar Mela, ka la bynrap, “Ka jingai ia ki shithi thung kam mynta ka sngi kam dei tang ïa ki jingjop jong uwei pa uwei hynrei ka dei ka sienjam ba ïatylliban pynkhlain ïa ka jingai jingshakri paidbah ha ka ri.”
Da kaba bynrapïa ka jingsngew jong ka ri, u Myntri Rangbahduh Narendra Modi u la ai jingkrenlyngba ka video conferencing. Haba pynpaw ia ka bynta jong ki samla ha kaba tei ia ka ri, u Myntri Rangbahduh u la ong, “Haba ki samla ki noh synniang shitrhem ha kaba tei ia ka ri, ka ri ka mad ia ka roi ka par kaba stet bad ka ioh ia ka jingithuh ha ka pyrthei.”
U la ban jur ba ki sienjam kum ka Skill India, Startup India, bad Digital India ki la plie lad ba thymmai ïa ki samla jong ka riban pynurlongïa ka sap ka phong jong ki. “Mynta, ki samla jong ka ri ki pyni sha ka pyrthei ïa ka sap kaba khraw kaba ngi don, lyngba ka jingaiti bad ka jingsaindur thymmai,” la ong u Myntri Rangbah duh.
Haba ai khubleiïa kito kiba ioh kam thymmai, u la bynrap shuh shuh, “Ka jingioh kam jong phi ka dei ka jingmih na ka jingtrei shitom bad ka jingkut jingmut jong phi. To sngew sarong ïa ka lad ban shakriïa ka ri.”
Ka Rozgar Mela ka dei shi bynta jong ka prokram thung kam ha kylleng ka ri, ha kaba ïa ki jingïalangla pynlong lang ha kajuh ka por ha 47 tylli ki jaka ha kylleng ka ri, kaba thmu ban pynkhlain ïa ki jingai jingshakri paidbah bad ban kyntiew ïa ki lad ioh kamna ka bynta ki samla jong ka ri.
Kine kiba la shah thung kam thymmai kin iasoh bad ki tnad bapher bapher, kynthup ia ka tnad khajna, ka tnad rel, ka tnad kam pohiing, ka tnad post, ka tnad Labour and Employment bad kiwei kiwei.
