Shillong, Kyllalyngkot 9: Rai ki Nongniah bad ki trai kali ka mai kynthup iaki local taxi,ki Tourist,ki city bus bad kiwei d
e ki kali kit passenger ban ia treilang ha kawei ka shatri All Meghalaya Commercial Vehicles Owner’s and Driver’s Union.
Ia kane rai la shim haka jingialang jongki Associations kali kamai ba la long haka 09-02-2020 ha IING DORBAR hall Lad Nongkrem Kynton U, ba la ia shim bynta shitrhem da ki Nongkitkam jong ki Associations kali kamai bapher bapher na man ki thain.
Haka jingialang la jied iaki Nongkitkam jongka Union bad la jied President ia u bah Egenstar Kurkalang,Vice President P.Khongsngi General Secretary Kitbok Syiemlieh,Asst General Secretary H. Kharkongor Publicity Secretary E.Bina bad 30 ngut ki Executive Members.
ka jingialang da kawei ka Sur lashim iaka rai ba ka sorkar kadei ban revise bad pynhiar noh iaka Dor jong ka Insurance ia baroh ki kali, bad kumjuh ruh ka Sorkar kadei ban teh lakam mardor ban ym ailad shuh iaki Kali kamai ba na ka jylla Assam bad na kiwei ki jylla.
Namar kine ki wan ban kamai sahuh shaduh ki kyndong kynshrot ha ki Shnong ki thaw jongka jylla Meghalaya khamtam eh shaki jaka jngohkai pyrthei namar kane kala ktah haduh katta katta iaka kamai kajih jongki trai ri trai muluk bad ki trai jylla.
Ka Union ka kwah ba ki kali Assam ki dei tang ban Shu drop iaki Briew kiba na Assam ne Guwahati tang haduh Nongbah Shillong, bad na Shillong ban leit shaki jaka nongkyndong ne ki tourist tourism area yn sa shim pat da ki Kali trai jylla kat shaba ki kwah ban leit. Na ka liang ka union kan sa pynbiang ia ki kali kumba ki kwah.
Bad Lada jia ba ka Sorkar kam leh eiei ia kane na ka liang ka union ka sa shim da kiwei pat de ki lad ki lynti ban iada ia la ka jong ka hok.ka union kan sa pyllong ruh iaka jingialang paidbah jong baroh ki Nongniah bad ki trai kali kamai jong ka jylla Meghalaya ka ban long haka 1 tarik jong u bnai Rymphang Ha Nongbah Shillong ban ia pyrkhat sani bha bad ban shim iaka rai halor kane kam.ka kyrwoh lyngba u President bah Egenstar Kurkalang.
