Shillong, Naiwieng 09: U President jong ka MPCC u Dr Celestine Lyngdoh u la ong ba ha shuwa ban leit sha Bangladesh ka party NPP ka ieng hangno ha kaba ia dei bad ka Citizenship Amendment Bill, namar dei kane ka juh ka party kaba ong ban ai “Worker Permit ia ki Bangladesh.
Haba kren ha ki lad pathai khubor u tei u nongialam jong ka seng Congres ha kane ka jylla Meghalaya u la kynnoh ba kane ka sorkar kam don ia ka jingkit khlieh tang ia ka jingiakhih ki nongtrei EMRI ruh kim lah ban pynbeit wat la kiba bun kila poi sha ki hospital, lada u myntri rangbah bad u myntri ka koit ka khiah kim lah ban shim ia ki jingkit khlieh ai kin hiar noh na kakam kaba ki bat.
Haba ia dei bad ka pisa pilain la ong ba ka jylla ka don ha ka jingeh kan poi ka por ba ki nongtrei kin nym ioh ia ka tulop na ka jingbym nang pyniaid jong kane ka sorkar kaba mynta ka kynthoh u president ka MPCC mynta ka sngi. Halor ka shong suk u la kop ba kane ka sorkar kala ioh pateng na ka sorkar Congress kyrmen ba kin pynneh.
Halor ka jingkren jong u Symbut myntri rangbah u bah Prestone Tynsong u ba la kop ba lada u ta u heh jong ka Congress u kwah ban tip ia ka jingtrei kam ka sorkar MDA u dei ban leit ia kynduh ia u, u Dr Celestine u la ong ba leit yn leit sha kata ka kamra lada don pisa ia ki kam pynroi lah ban iohi ha madan namar ia ka surok la shna ha madan ym ha kamra.
