Ha surok Mih ki nongtrei ka Ambulance  108 ban dawa ia ki hok jong ki na ki bor pyniaid

Shillong, Naitung 18: Mynta ka sngi ka seng EMRI Workers Union kila ia mih ban ia khih da kaba shong kyllain mungor ha jaka ieng kali jong ka Additional Secretariat ban dawa ia ki hok jong ki na ki bor pyniaid ia ka EMRI ha Meghalaya.

U Bah Roipar  Kharraswai haba ia kren bad u SP News Agency ha katei ka jaka ba ki pynlong ia ka jingiakhih u la ong ba kim don lad shuh da kumwei kim ban se ban mih sha surok ban dawa ia ka hok jong ki ia kaba ki dei ban ioh kum ki nongtrei.

Kum ka seng kim kwah ban mih kumne sha madan kila ia kynduh ia ki bor pyniaid jong ka EMRI ha Shillong ka GVK Company, ia u Deputy Chief Minister u bah Prestone Tynsong ia kaba u la phah biang ban ia kren bad ka GVK Company haba ki leit ban ia kren kam shym poi shaei shaei  ruh.

Haba ki jingpyrshang jong ki ban ia kren kala kut kim don lynti ki hap ban mih ha surok ban pan jingkyrshan na u paidbah. Shuwa ban ia kynduh ia u Deputy Chief Minister kila ia kynduh ia ki bor ba dei peit ia ka tnad ka koit ka khiah, ia u Bah AL Hek myntri ka tnad ka koit ka khiah hynrei baroh ki long sep ei.

Na ka liang jong ka EMRI Workers Union mynta ka sngi kila shim ia ka rai ba lada ka sorkar kam leh ei ei kin sangeh shisyndon ia ka jingtrei kam jong ka EMRI ha Meghalaya bad ki dawa ba ka sorkar ka dei ban weng noh ia ka GVK Company na Meghalaya pyniaid ia ka EMRI ki Ambulance 108.

Ka jingbitar jong ki ba trei hapoh jong ka EMRI ka long ba katba kane ka jingiakren ka dang iaid ki pynkynriah kam ia ki 12 ngut ki nongtrei bad dang ha kine ki sngi kila phah shithi ban pynsangeh syndon ia ka jingtrei kam jong ki. Ha ka jaka ban pynbeit ia ki jingeh kane ka GVK Company ka leh mar khongpong la ong u Bah Kharasawai president.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet