Ha Tura pynlong jingialang ka CoMSO ban ia kren halor ka jingdawa ia ka ILP ha Meghalaya

Shillong, Rymphang 18: Ka CoMSO myn ha ka sngi palei mynta u bnai ka lah pynlong ia ka jingiakynduh lang ha Nongbah Tura, West Garo Hills District ban ia shong pyrkhat kam halor ki mat jingdawa jong ka kynhun ha kaba ia dei bad ka Inner Line Permit.
Ha kane ka jingialang ba la ia don ryngkat  da ki  Nongialam jong ki Seng ba pher bapher hapoh Ri Lum Khasi-Jaintia bad Ri Lum Garo, ka  kynhun ka la shim ia ka rai ban nang pynjur shuh shuh ia ki jingiakhih ha baroh kawei ka Jylla khamtam eh ba kaba iadei bad ka jingdawa pyntreikam noh mardor ia ka ILP.
Ka CoMSO ka lah rai ban pynlong ia ki prokram iakhih ha kylleng ki jaka da ka ba ki paidbah kin ia mih lyngba ki jingiaiaid paidbah bad jingialang ban pynpaw sha ka Sorkar India ba kum ka Jaidbynriew bad ka Jylla ngi da thrang shish ban ioh noh ia ka ILP.
Kine ki jingiaiaid bad jingialang paidbah ha man ki jaka jong ka Jylla kin dei ki dak ki shin ban pynpaw ia ka Sur u Paidbah halor ka ILP bad ruh ban pynpaw ba ka jingiakhih kam dei shuh kaba tang jong ki Sengbhalang ne Ki Seng Sain pyrthei ne jongno jongno hynrei ba kan dei ka jong u Paidbah.
Hadien kine ki prokram ka CoMSO kan sa pynbna ia kiwei ki pat ki lad jingiakhih ba kham tyngeh ban nang pynbor shuh shuh ia ka Sorkar India bad Sorkar Jylla.
Nalor ka ILP, Ka Jingialang ka lah rai ruh ban buddien bad ban jur ia ka Sorkar India ba kadei ban kynthup noh ia ka Ktien Khasi bad Garo ha ka Khyrnit ba Phra jong ka Riti Synshar ka Ri India; ban pynkloi noh ia ka jingwanrah ia ki kyndon jingpynkylla ha ka Khyrnit ba Hynriew kana iadei bad ki District Councils bad kumjuh ruh ban pynbeit noh ia u Pud u sam ba tikna jong ka Jylla.
Ka CoMSO ka khot ka wer ia baroh u paidbah ka Jylla ban ia snohkti lang ha ki prokram jong ka kynhun khnang ba ka sur bad ka jingthrang u Paidbah kan pynlong ia ki Nongialam ka Sorkar India kin iohsngew bad sngap bad kumjuh ban ai noh ia ngi ia ka ILP lem bad kiwei kiwei ki mat kiba lah kiew haneng.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet