Shillong, Nailur 19: Mynta ka Jan miet , na ka liang Jong u Home minister , u la khot ia kren ia ki nongialam ka CoMSO bad u la pynpaw ba na ka liang ka sor
kar ki la mynjur ban pyntreikam noh ia ki kyndon Jong ka inner line Permit da kaba pynkylla ia ka MRSSA bad u la kyntu ruh ba ngin iai shah haduh u bnai Risaw . U la kyrpad ruh ka CoMSO Kan pynsangeh shipor ia ki jingiakhih namar ka sorkar ka la mynjur ia ki jingdawa.
Ka la Don ruh ka jingphah ktien na ka liang u myntri rangbah ka jylla ba Ka sorkar ka Don ka juh ka jigmut bad ki mynjur bad ki jingai jingmut ka CoMSO ha kaba iadei bad ka jingpynrung ia ka ILP ha ka MRSSA.
Na ka liang ka CoMSO ka la pan da ka jingthoh halor Kane, hynrei namar ba u myntri rangbah um Don hapoh ka jylla un nymlah ban ai hynrei kular pat ba un sa kynduh biang ia ki nongialam ka CoMSO hadien ba u wan phai.
Kum ka dak ka jingiatrei Lang bad ka sorkar bad ban ai lad ia ka sorkar ba Kan pyndep ia ka kular , na ka liang ka CoMSO ka la Rai ban pynsangeh noh shwa shipor ia ki jingiakhih . Ka kynhun ka kren Shai ba Lada ka sorkar Kam lah ban pyntreikam ia ka inner line Permit system happoh u bnai Risaw, Kan nym don shuh ka jingburom ia ka sorkar bad Kan iaid da ki jingiakhih haduh ban da ioh ia ka Inner Line Permit.
Na ka liang jong u Bah Robertjune Kharjahrin lamphang jong ka CoMSO, kyntu ia ki paidbah ka jylla ban iai shah ban ban nym duh jingkyrmen bad kin peit la ka sorkar kan pyntrei kam ne em ia ka ain iada jaidbynriew kumba la kular ha kane ka jingiakynduh mynta ka sngi bad u myntri kam poh iing u James K Sangma.
