Shillong, Jylliew 21: Ka myntri ba dei peit ia ka tnad ka koit ka khiah ka Dr. M Ampareen Lyngdoh kala leit ban jurip ia ka Tura Government Medical College, kaba dang shna mynta kaba bun ki bynta la iaid sha khmat ha ki jingpyntrei ia kane ka jaka pule doktor.
Kane ka jingleit jong ka myntri ka long ban peit ba ka jingtrei kan iaid beit bad ban iohi bay n lah ban pyndep ha ka por kaba biang namar kane ka dei ka jingtei kaba don kam bha ia ka jylla bad kan long ka jaka pule doktor kaba nyngkong jong ka jylla.
Ha kane ka jingleit ban jurip ka myntri kala shem ba ia ka bynta kaba nyngkong la lah ban pyndep haduh 75% ka jingtrei, ka byntaba kaba ar ka jingtrei ka dang iaid sha khmat, haba ia dei bad ka um kala poi sha phylla jong ka jaka pule ia kaba kin pyntrei kamnoh shen.
Ka surok kaba dang shna mynta kaba jrong 1.7 km na surob bah ban poi sha jaka ba don kane ka jaka pule doktor ka jingtrei la lah ban pyndep haduh 70%, ka jingtei ia ka iing kaba dei na ka ESS la dep ban shna mynta kaba sah dang ap ia ka MeECL ban kan buh noh ia ka bor ding 33 KVA namar ka kam ka dang sah bad ka tnad pla pisa ban pynlait ia ka pisa ban ioh siew.
Ka thong kaba la buh ban pyndep ia ki jingtrei ha kane ka jaka pule doktor ka dei ban pyndep ha u bnai Nohprah 2025 hynrei na ki daw kiba ym lah ban kiar la buh biang ia ka thong ban pyndep ha u bnai Lber 2026. Kane ka jingleit jurip ka long ba ka sorkar ka kwah ban iohi ba kane ka jingtrei kan dep, ha kane ka jingleit jurip la don long ki ophisar jong ka sorkar,
