Shillong, Kyllalyngkot 29: Kane ka sorkar Meghalaya Democratic Alliance (MDA) kaba la iamlam da u Conrad K Sangma na ka part NPP kan dap ar snem shiteng ha u Nailur ha kaba ka don ka jingbujli myntri hapoh kane ka sorkar.
Ki lad khubor ki iathuh ba ha ka por ba sdang ia kane sorkar kala don ka jingiakut hapdeng ki seng sain pyrthei ba ki kam myntri hapoh ka sorkar kan long mar ar snem shiteng. Kane ka jingiapynbeit ka long ha pdeng ki MLA jong ki party kiba don ha kane ka sorkar MDA.
Katkum ki lad khubor ki iathuh ba ia kane ka jingiabujli myntri kan long ka rai na ki party iano kin bujli, kumba ka long ka PDF ka don saw ngut ki MLA ha kaba ar ngut ki long ki Myntri, ka BJP ka don ar ngut ki MLA u wei u long myntri bad kum juh ka HSPDP ka don ar ngut ki MLA bad u wei u dei u myntri.
Katba ka UDP kaba don kham bun ki MLA ka shong ha kane ka party ban shim ia ka rai ia no kin phah shong noh bad iano kin wan rah sha kane ka kam myntri. Kane ka long kum juh ia ka party NPP kaba ialam ia ka sorkar.
