Shillong, Nohprah 16: U Lat ka jylla Arunachal Pradesh bad Meghalaya Brig. (Dr.) B.D. Mishra (Retd.) u la ai jingkren sha ki shipai ha ka jingialang kaba la long ha Eastern Air Command Headquarters, Upper Shillong.
Ha kane ka jignkren u la ban jur ban don ka jingiajan ki shipai bad ki paidbah ha kane ka thain shatei lam mih ngi ka Ri India. Haba ka don ka jingiajan ha pdeng ki paidbah bad ki shipai kan warah ia ka jingsngew shngian hapdeng kiba bun ba lang khamtam ia ka jingialeh pyrshah ki ri ba mar jan.
La ong haba peit ia ka jingtyllun ka por man ki sngi la ioh ia ka jingkylla ha ka sain pyrthei, ka ioh ka kot bad ka jingpynkhlain ia ki bor shipai bad kane kala dang iaid hi bad da kine ki jingkylla la don kam ka jingiajan ki paidbah bad ki shipai, la ka long ha khyndew, ha suin, bad sha haw haw ruh.
U Lat ka jylla la ong ba ka jingiadei hapdeng ki paidbah bad ki shipai ha Ri India ka don ka jingeh bad kane ka long wat ia kito ki ri kiba don sawdong ka Ri India kiba ioh ia ka jinglait luid na ki phareng ha kaba kila don ka jingshah knieh bor ha ki shipai.
Dei ha ka 26 Jymmang 2014, kaba u myntri rangbah duh jong ka Ri India u Narendra Modi kala wan rah ia ka jingkylla kaba khraw ha ka jingiadei hapdeng ki paidbah bad ki shipai bad kane ka long ka jingsdang la ong u Lat ka jylla.
U Lat ka jylla u la kyntu ia ki shipai ba kum ki shipai suin, ban long kiba phikir, kiba sngewthuh, ba kut jignmut, ka rukom pyrkhat thymmai, ka jingianeh bad ba kin pynrung sa kawei ka jingtrei kaba khuid, ka jingkit khlieh, ban long kiba beit bad ka jingiaryngkat kyrdan lada lah ban leh kin long kum ki nongialam hapoh ki shipai.
U Air Officer Commanding in Chief, Eastern Air Command, Shillong, Air Marshal S.P. Dharkar, AVSM bad ki heh shipai jong ka Eastern Air Command, kiheh shipai jong ka Headquarters 101 Area, Directorate General Assam Rifles, 58 Gorkha Training Centre, Assam Regimental Center bad Umroi Cantonment kila ia shimbynta ha kane ka jingiakynduh lang.
