Haba la dep ai kontrak, balei khlem siangrong ia ka surok PMGSY ha Lum Sohpet Bneng

Shillong, Iaiong 25: Ka surok na SOS Village ha Umiam ban leit sha Lum Sohpet Bneng haduh mynta ym pat lah ban siang rong wat la la dep ban siang Mawsaling ha baroh shilynter kane ka surok kaba jrong 6.50 Km hapoh Ri Bhoi District.

Kaba la pynlyngoh ia ki briew kiba iaid lyngba kane ka surok ka long ba, ia kane ka surok la mang ha u snem 2009 bad ka dor jong ka jingtrei ka long T.271. 52 lakh katba na ka bynta ban maramot pat kan long T.6.61 lakh bad ha ka jingthoh kaba la buh hakhmat kane ka surok u kontrator dei bah K. Pala.

Ha dien jong katei ka jignthoh, ha kane ka juh ka surok la don sa kawei ka jingthoh haba la buh da ka PWD kaba pyni ba kane ka surok na SOS Village sha Lum Sohpet Bneng ka don 6.50 Km bad ka jingtrei na ka bynta kane ka surok ka long T.291.Lakh, hynrei ha kaba ia dei bad ka jingmaramot na ka bynta san snem pat khlem buh dor bad kontraktor AP Construction, bah Artis Pyngrope.

Kumba ka long mynta kane ka surok la dep ban siang maw saling habaroh shilynter kane ka surok hynrei khlem pat sdang ia ka jingsiang rong bad ka jingkylli mynta ka long hato ka PWD kan leh kumno ia kane ka surok kaba la sah teng mynta la bun snem bad ka jingkylli ka long mano ban siang ong namar ba don ar ngut ki kontraktor kumba la paw na ki jingthoh kiba la don ha katei ka surok.

Ki thymei khubor ki iathuh ba na ka liang jong ka seng Khasi Seng Kmie kiba juh pynlong ia ka jingkiew ha u Lum Lyntang, Lum Sohpet Beng ki dang ia pyrkhat mynta ban leit ia kynduh ia u myntri ba dei peit ia ka tnad shna surok u Bah Prestone Tynsong ban ioh jingshai ha kaba ia dei bad kane ka surok PMGSY balei ym lah ban siang rong shuh haduh mynta.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet