Shillong, Rymphang 03: Ka jingthep kyrteng ki kyrtong kiba iakhun ia ka election MDC 2025 sha ki ar tylli ki iing dorbar kata jong ka KHADC bad ha JHADC, kala kut noh mynta ka 3 tarik u Rymphang bad baroh ki kyrtong kiba la dep ban thep kyrteng ki poi haduh 270 ngut.
Katkum ka jingtip ba la ioh lum ki kyrtong kiba thep kyrteng ia lade ban iakhun na Jaintia Hills Autonomous District Council baroh ki don haduh 114 ngut ki kyrtong na ki 29 tylli ki constituency.
Katba ki kyrtong kiba thep kyrteng hapoh ka Khasi Hills Autonomous District Council ki kyrtong kiba la thep kyrteng ki poi sha ka 156 ngut ki kyrtong na 29 tylli ki constituency haduh ka por 3.00 baje noh sngi por kut ka jingthep kyrteng.
Katkum ka jingkhein ba la ioh pdiang ki Constituency ki ba duna bha ki kyrtong ki ban ia aireng ha kane ka MDC election kadei na Nongkrem Constituency ba don tang 3 ngut ki kyrtong, katba kiba bun ki don 7 ngut ki kyrtong kidei na Mawkynrew, Mawsynram bad na Mawkhar Pynthorumkhrah Constituency.
Ka tarik kaba khatduh lada don ki kyrtong kiba kwah ban weng noh ialde na kane ka jingiakhun ia ka MDC kan long ha ka 6/2/2025 kata ki lah ban leh shuwa ka por lai baje noh phai sngi, ia ka jingdon ki kyrtong ban ia khun ia ka MDC sha ka KHADC bad JHADC kan long ha ka 6/2/2025.