Shillong, Rymphang 14: Mynta ka sngi u bah Roykupar Synrem nongialam Confederation of Meghalaya Social Organisation (COMSO) kila leit ban ia kynduh ia ka kong Matsiewdor War Nongbri Deputy Commissioner jong ka East Khasi Hills ban ia kren halor ka jingpyntrei kam ia ka District Task Force Committee (DTF) ban ia kren halor ka jingkhynra ia ki poiwir.
Haba kren ha ki lad pathai khubor ha dien ka jingiakynduh ia ka DC, u Bah Roykupar u la iathuh ban na ka liang jong ka DC kala iathuh ba man u bnai na ka liang jong ka DTF ka juh leit ban khynra ia ki jaka ba suba ba don ki poiwir, hynrei ha kane ka jingleit khynra ka long tang hapoh sor.
Ha kane ka jingiakynduh na ka liang jong ka COMSO kala kylli hato la don ne em ka jingioh kem, halor kane ka DC kala ong ba man ba ki leit ban khynnra ki shem ba ki briew kiba shong hapoh sor ki biang ki kot kisla bad haduh mynta kim pat ioh kem wat tang u weir uh u poiwir.
Na ka liang jong ka COMSO ha kane ka jingiakynduh kala kyntu ia ka DC ba ka DTF ka dei ban khynra ruh ha ki khap sor namar ka jylla Meghalaya ka ia khap bad ka Bangladesh bad ha kane ka jingiakren ka DC kala kyntu ba lada ki don ka jingsuba ba don ki poiwir kum ka kynhun ka dei ban pyntip sha ka DTF ban leit ban khynra.
U bah Roykupar Synrem u la ong ba kane ka jingleit ia kynduh mynta ka sngi ka long halor ka dorkhas kaba ki la ai sha u myntri rangbah ka jylla ha ka 7/2/2020 ba ka sorkar ka dei ban khanglad ia ka jingwan rung ki poiwir sha kane ka jylla.
Ka jingiakynduh ia ka DC ka dei namar ba ka dei ka lamphang jong ka DTF bad kane ka jingiakynduh ka long ban kylli aiu na ka liang jong ka DTF kala leh halor katei ka jingthoh kaba ka COMSO kala deo ban ai sha u myntri rangbah ka jylla ha kaba ia dei bad ka jingteh lakam ia ki poiwir.
U bah Roykupar Synrem u la ong ba ha u snem 2006 ka sorkar kala pynmih ia ka jingpynbna ha ka por ba dang don tang hynniew tylli ki District ha kato ka por bad kum juh ha u 2013 bala mih khatwei tylli ki District ka sorkar kala pynmih biang ia ka jingpynbna bad la thung ia ki DC kum ki lamphang bad Superintendent ki pulit kum u symbut lamphang.
Ha kane ka District Task Force Committee u ka kamram jong u Deputy Superintendent ki pulit jong ka tnad pulit ba kyrpang un long u nongkhot ha kaba ia dei bad kane ka kommittee. Ka kamram jong ka DTFC ka long ban wad ia ki poiwir kiba wanrung sha kane ka jylla.
Ka kam jong kane ka DTFC ka long ba kan pynphai noh ruh ia ki briew kiba la ioh kem lada kid ei ki nong India, hynrei ha ka jingiohi jong ka COMSO kim iohi ba kan don kata ka jingleit ban talasi wat tang shisien shibnai ruh ha kane ka jingiakynduh ka DC kala sei ia ki kot ki sla.
Ha kane ka jingiakynduh na ka liang jong ka DTFC ki juh leit ban talasi shisien shi bnai halor ka jingioh jingtip kaba ka inelegance Bureau ka ai, ha kane ka jingiakynduh na ka liang jong ka COMSO kala ong ba naduh ka 12 tarik mynta u bnai kala sdang ban khynra ia ki poiwir.
La ong ba ka jingdawa ban khang ia ka jingwan jong ki poiwir kala long da bun bun snem, ha ka jingshisha dei ban leh katkum ki ain kiba la don katba dang pynbha ia ki ain ruh dei ban dang leh hynrei dei ban pyntrei kam ia ki ain kiba la don.
