Shillong, Kyllalyngkot 04: Ki paidbah nongshong shnong jong ka jylla Meghalaya kila ia kynduh ia kane ka jingpynlip bor ding ieletrik jong ka MeECL naduh u bnai Nohprah jong ka u snem 2019 haduh kane ka sngi.
Kane ka jingpynlip bor ding jong ka MeECL khlem da pynshai sha ki paidbah kaba la long ha Shillong naduh ka por 9.00 baje haduh 11.00 baje mynstep kala buh ka jingkhuslai kaba khraw ha ki paidbah ba lada dang sdang snem la pynlip ding ieletrik katban da poi ki bnai tyrkhong la shai ka ei ka ban jia.
Ki paidbah jong ka jylla Meghalaya la ha sor ne nongkyngdong ki sah ha ka umdum ia kane ka jingpynlip light jong ka MeECL. Ka MeECL haduh mynta ka khlem pynshai paidbah na kaei ka daw ba kala leh ia kane ka jingpynlip ding ilektrik ha Shillong bad ki shnong nongkyndong.
Halor kane ka jingpynlip ding ilektrik na ka liang jong u SP Agency u la ioh ban ia kren bad ka PRO jong ka NEEPCO, ka kompeny jong ka sorkar pdeng kaba ai ia ka bor ding ilektrik ha ka jylla Meghalaya bad sha kiwei ki jylla jong ka North East.
Ka PRO jong ka NEEPCO kala ong haduh mynta ka sngi kam pat don kano kano ka jingthoh kaban ong ne kren ei ei ha kaba ia dei bad ka jingai ia ka bhah bor ding ilektrik kaba dei sha ka jylla Meghalaya, la ong ba ka jingai ia ka bor ding sha Meghalaya ka dang neh kum juh kumba long ha kine ki bnai kiba la dep.
