Shillong, Nailur 13: U Myntri ba dei peit ia ka tnad ka thew ka woh u bah Renikton L Tongkhar haba jubab ia ka jingkylli ka Dikkanchi D Shira la ong ba ka sorkar haduh mynta kam pat ioh kano kano ka aplikoshon ban buh ia ka Wight bridge ha Mahendraganj.
Haba jubab ia ki jingkylli bynrap u myntri la ong ba ha kaba ia ei bad ka jingkit ki kali ka hap hapoh ka jingpeit ka tnad kam kit kam bah kam hap hapoh ka tnad ka thew ka who, ka jingkylli ba kit palat pud ki trok dei ka tnad ka kit ka bah kaba dei peit.
Haba kren hapoh ka iing dorbar ka MLA jong ka Mahendraganj ka Dikkanchi D Shira kala iathuh ba katkum ka jingai Transit Pass ka sorkar ia ki trok kit maw ka long tang 12 metrik tone katba ki kali pat ki kit palat ia ka 40 metrik tone.
Halor kane ka jingkylli u Myntri Rangbah ka jylla u Conrad K Sangma u la ong ba ha ka jingshisha ia ki jingkylli dei ban phah sha ki tnad kiba dei peit ban ai ia ka jubab na ki tnad ba dei peit, hynrei kane ka jingkylli kala poi sha ka tnad ka thew ka woh.
Halor kane ka jingkren u myntri rangbah ka Dikkanchi kala ong ba ia ka jingkylli kala phah sha ka tnad ka kit kabah hynrei kumno ka poi sha ka tnad ka thew ka woh la ong ba ka kwah bantip ia kane balie ka poi sha kawei ka tnad sorkar.
