Haduh mynta ym pat tip ia ka daw ba jingmynsaw u bah Hep Lyngdoh dang tohkit ki pulit

Shillong, Rymphang 05: Ki pulit jong ka Dawki Police Station kila iathuh ba ia u Bah Hep Lyngdoh na Shnong Nongtalang la lap mynta ka sngi hapdeng ka jingmynsaw ki kti ki jat jong u, ha dien ba la rah sha Dawki PHC ban ioh jingsumar bad mynta ka jan miet la kit noh sha Shillong.

Haba kren ha ki lat pathai khubor na ka liang jong u Ophisar ba dei peit ia ka Dawki Police Station, u la ong ba haduh mynta kim pat lah ban tip kaei kadaw kaba la wanrah ia ka jingmynsaw ha ka met jong u bah Lyngdoh ha ka por ba ki lap ia u mynta ka sngi na ka shnong Amlympiang.

La iathuh ba na ka liang jong ki pulit kila pyrshang ban kylli na u hynrei la ong ba ym tip kaei kaba la jia ia u namar ka pla kaba u kit ha met ka don, hynrei kaba jah ka dei tang ka tari. Kane kala pynlyngoh ia ki pulit. Na ka liang jong ki pulit kila ong ba kin sa tohkit biang ha dien u ne u rangbah u la kham jem.

La iathuh ba ha ka 2 tarik mynta u bnai, u ne u bah u iaid u ieng bad ki briew ki iohi ia u hapoh ka shnong Nongtalang hynrei ka jingjah jong u na iing ka long naduh ka por 2.30 baje ei ei jan shai myntstep bad ym tip sha ei u leit haduh ba ki briew ki lap ia u mynta ka sngi ha ka shnong Amlympiang ba u la mynsaw ki kti ki kjat.

La iathuh ba ki trai shnong jong ka shnong Amlympiang kiba iohi ia u ne u Bah Mynta ka sngi ba u iaid sha rum shaneng hapdeng ka jingmynsaw bad na ka liang jong ki pulit kila leit ban shim ia u bad phah sha Dawki PHC ban ioh jingsumar ha kaba kiba ha iing kila rah mynta ka jan miet sha Shillong ban phah sumar.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet