New Delhi, Nailur 04: U Secretary ka tnat ka koit ka khiah jong ka Sorkar Pdeng, u Rajesh Bhushan u la pyniaid ia ka jingialang mynta ka sngi bad 11 tylli ki jylla ka thain shatei lammihgi bad ki UT kum ka Arunachal Pradesh, Assam, Jammu bad Kashmir, Ladakh, Manipur, Meghalaya, Mizoram, Nagaland, Sikkim, Tripura bad Uttarakhand.
Ha kaba sdang, u Secretary u la ban jur halor kine ki phang, Ba ki jylla ki dei ban trei kloi kloi ban pyndep ia ka kam ai tika (1st dose) ia baroh kito kiba la dap 18 snem ka rta.
Ki jylla ki dei ruh ban peit bniah ia ka jingai tika ia kito kiba la palat 60 snem ka rta namar ka jingioh tika kine ki briew ka dang duna bha ha Assam, Manipur, Arunachal Pradesh, Nagaland bad Meghalaya. Ka jingma ia kine ki briew ba kin bit jingpang COVID-19 ka pynlong kongsan bha ia kane ka kam.
La dew ruh sha ki jylla ba ka jingai ia ka dose kaba nyngkong ka kham stet ban ia ka jingai ia ka dose kaba ar. La ai jingmut ia ki jylla ba kin buh kyrpang ia ki dose, ki ngi bad ki thong ban pyndep ia kane ka kam na ka bynta kine ki briew.
La iakren ruh shaphang ka jingdon ki dawai tika, ki thyrnia injek, ka jingai tika kyrpang ia ka kynhun bapher bapher kum ki (Transgender, kito kiba don jing duna dkhot met, ki PWI bad ki koidi), ka jingai tika ia ki longkmie khamtam kito kiba dang armet bad kito kiba dang don khun rit ha kine ki jylla bad ki UT.
La ai jingmut ia ki jylla bad ki UT ba kin peit bniah ia ka jingdon ki dawai tika ha ki State Vaccine Store bad ki Cold Chain Point, ban peit ia ka jingsam ryntih ia ki dawai tika bad ban pynthikna ba ka jingsepei kine ki dawai ka long hapoh ka 2%, ka jingkyntiew jingtip ha ka electronic vaccine intelligence network man ka sngi.
Ka jingpeit ia ka jingbiang kiwei kiwei ki thyrnia injek (0.5 ml/ 1ml/ 2 ml/ 3ml Auto Disable/Re-use Prevention Syringes(RUP)/Disposable) kiba pyndonkam na ka bynta ka kam ai dawai tika COVID.
