Jowai, Jylliew 11: U myntri rangba ka jylla u Conrad K Sangma mynta ka sngi u la leit sha Jowai ha kaba u la ia kynduh ki ophisar na ki ar tylli ki District, ka East Jaintia Hlls bad West Jaintia Hills ban ia kren halor ki lad jingiada na kane ka khlam COVID-19 ha kitei ki ar tylli ki District.
Ka jingkhot ia kane ka jingialang ka long ban ia mir jingmut kumban ban dng pynbiang shuh shuh ia ki lad jingsumar ha kitei ki ar tylli ki Dstrict ha kane ka jngiakhun pyrshah ia ka khlam COVID-19, ha kane ka jingialang la pynsngew ba ia ka jaka Test COVID-19 mynta dang pyrkhat ia kane.
Ha kane ka jingialang na ka liang jong u myntri rangbah u la kren shai ba ki bor jong ki District kim dei ban pynslem ha kaba ai ia ki e-Pass na ka bynta ki nongrep ban kit ia ki marrep, ha ka juh ka por dei ban buh ia ka thong ban ai tika ia ki nongniah kali.
Kumba ka long mynta ka paw ba ka don ka jingiadei hapdeng ka jingaitika bad ki jingkhlad ki briew hapoh West Jaintia Hills, ha kane ka jingialang u myntri rangbah u la kyntu jur ia ki bor jong ka tnad ka koit ka khiah ban kham pynkhlain shuh shuh ia ka jingaitika.
Ha kane ka jingialang la don lang u myntri kam poh iing, u bah Lahkmen Rymbui, myntri kam pynroi sor u bah Sniawbhalang Dhar, MLA ka Jowai W. Shylla, u DC jong ka East Jiantia Hills, West Jantia Hills ryngkat ki ophisr jong kitei ki District.
Kane ka long katkum ka jingkren u myntri rangbah ka jylla lyngba ka twiter mynta ka sngi ha dien ka jingialang ha jowai.
