Shillong, Naitung 27: U myntri Rangbah ka jylla Meghalaya u Cornad K Sangma mynta ka sngi u la ong ba halor ka jingjia hapoh ka shnong Iongkhubli u la kren ia u myntri rangbah ka jylla Assm u Himanta Biswa Sarma ban ia pynneh ia ka jingshong suk ha khappud.
Haba kren ha ki lat pathai khubor mynta ka sngi u Conrad u la iathuh ba u la kren ia u mytnri rangbah ka jylla Assam mynnin ka sngi bad mynta ka sngi wat la u bun kam namar ka jingjia ha khappud bad ka Mizoram hynrei la ioh ban ia kren.
Na ka liang jong u myntri rangbah ka jylla u la ong ba ha ka jingiakren kila ong ba kan nym dei ban don kano kano ka jingiapynshit na baroh ar liang dei ban pynneh ia ka jingshong suk na baroh ar liang.
Na ka liang jong ka sorkar MDA mynta ka sngi la phah ia u MLA jong kane ka jaka u bah Sosthenes Sohtun ban leit sha katei ka jaka bad ban ai ia ka khaiphot sha u mynta ka sngi halor ka tei ka jingjia.
Halor kane ka jingjia na la kren ruh ia ka Deputy Commissioner bad na ka liang jong u Chief Secretary ruh u la kren ia u Chief Secretary jong ka jylla Assam ha kaba ia dei bad kane ka jingjia bad ka DC ruh kala kren I au DC ka Kamrup.
Kumba ka long mynta la lah ban tem ia ka jingjia ha kane ka jaka bad na ka liang jong ki sorkar jylla ki wat ki lat ki lynti kumno ban weng ia kine ki jingeh bad la kyntu ia ki bor sorkar ba dei jong ki District bad ki paidbah ban kiar na ka jingklumar.
Haba ia dei bad ka jingbuh ia ki pulit out post ha khappud ka sorkar ka dang ia leh ban peit bad ka jingbuh ia ki kam dei ban long ka daw jong ka jingiakynad ka sorkar kan peit ia kine ban nym don kano kano ka jingiakynad bad ka jingiakren ruh kan dang iaid sha khmat ban weng ia ki jingeh.
