Tura, Nohprah 31: Ki bor jong ka West Garo Hills District kila kem ia u Sengkud Sangma ha dien ba kila ioh ia ka jingujor na ka seng PETA halor ka jingkynnoh ba u la pyniap ia u shrieh ha Garo Hills, ka jingkem ia u ka long hapoh jong ka Wildlife Protection Act, 1972.
Ka PETA kala ai ia ka jingujor da ka ejahar bad ki bor jong ka District hapoh West Garo Hills pyrshah ia u Sengbud Sangma, halor ka jingujor la phah ban tohkit ia kane ka jingshah kynnoh bad na ka liang jong u Deputy Commissioner u la bethah ia u Superintendent ki pulit ban kem ia u Sengkud.
Na ka liang jong ka PETA kala ai ia ka jingujor hapoh ka kyndon 9 bad 51 jong ka ain Wildlife Protection Act, 1972, katkum kine ki kyndon ka long bay n nym lah ban bah jamin bad ka jingset along ka long hynniew snem bad ka jingdain kuna ka long haduh T.10,000/- tyngka.
Ha ka kyrwoh kaba la phah na ka liang jong ka PETA, la ong ba kila ioh ia kane ka jingtip lyngba ka Facebook ia kaba u Sengkud Sangma u la buh ia ki dur ki dar. Dei lahor kane ba ka PETA kala ai ia ka jingujor sha ki bor jong ka District jong ka West Garo Hills. Ka PETA ka kwah ruh ba ka sorkar ka dei ban pynkhlain ia ki kyndon jong kane ka ain namar ka kuna ia kiba pynkhien nyngkong ka long tang T.50/- tyngka.
