Shillong, Nailur 29: Ka tnad pulit jong ka East Garo Hills District kila pyntip ba ha ka por shiteng synia por 12.00 baje mynmiet kawei ka bus Meghalaya Transport Corporation kaba leit na Tura sha Shillong kala hap ha wah Ringdi ha Nongshram, kaba hap ha East Garo Hills.
Haba la ioh ia kane ka jingtip ki pulit jong ka Rongjeng bad Williamnagar kila leit sha katei ka jaka ban iarap ban pynlait ia kiba mynsaw bad ban sei ia ki khlad ha kane ka jingjia kaba sngewsih.
Katkum ka khubor kaba la phah da ki pulit la ong ba kiba khlad haduh ba phah ia kane ka jingpyntip ki don san ngut bad ia kiba mynsaw la pynkit sha Rongjeng PHC ban ai jingsumar, na ka liang jong ki nongiarap ki dang ialeh katba lah ban iada ia ki ka jingim briew.
La iathuh ruh na ka daw jong ka jingjur palat jong u slap ka kwah ruh ka heh um bha, na ka liang jong ki nongiarap, kiba dei na ka tnad pynlip ding bad ka na tnad iarap ia kiba shah pynjulor ha ka mariang ki dang don ha katei ka jaka ban ialeh ban pynlait ia ki briew ba ngat ha kane ka jignjia kaba sngewsih.
Katkum ka jinglum jingtip ki briew kiba don ha kane ka Bus MTC kiba la thied tiket ki long 21 ngut, na kine 9 ngut kiba mih na Tura, 12 ngut ki dei kiba na Williamnagar, na ka liang jong ki pulit kila ong ba lada don kam jingiarap phone ha u ne unumber police Contral Room +918794765696.
