Shillong, Rymphang 03: U General secretary jong ka party United Democratic Party (UDP) u Dr Jemino Mawthoh, u la ong ba ka party kala ai por 24 kynta ia u Bah Paul Lyngdoh bad ia u Bah Teiborlang Pathaw ba kin jubab sha ka party ba lei ki leit ban ai jingkyrshan ia ka Executive Committee u bah Latiplang hapoh jong ka KHADC.
Haba kren ha ki lad pathai khubor ha dien ka jingialang u Dr Mawthoh u la ong ba kin ap hapoh ka 24 kynta ba kin ai jubab lada ki ai ruh ka party kan shong bishar bad lada kim ai ruh ka party kan ia kren kumno ban leh ia kine ki ar ngut ki MDC.
La ong ba ha kane ka jingialang kaba la long mynta ka sngi kum ka party kala iakren ia kaei kaba mih ha ki lad pathai khubor ba kitei ki ar ngut ki MDC ki la ai da ka jignthoh ban kyrshan ia ka EC u bah Latiplang ha KHADC. Ha dien ka jingiakren ka long ba dei ban ailad ia ki ba kin jubab sha ka party aiu ki don ban ong halor kane ka jingleh ka jong ki.
Haba jubab ia ki jingkylli ha kaba ia dei bad ka kam CEM ha KHADC, la ong ba kum ka party kala dep ban ia pynbeit naduh mynshuwa ba ia ka kam CEM ha kine ki san snem kan long ha pdeng u Bah Teinwell Dkhar, u Bah Titosstarwell Chyne bad u bah Paul Lyngoh.
