Hapoh kali 108 kha khunlung ka long kmie na Umden Nongtluh ha phyllaw NEIGRIHMS

Shillong, Naitung 01: Kawei ka long kmie kaba na ka shnong Umden Nongtluh, ka Ri Bhoi District khlem da pynpaw ia ka  jong kane ka long kmie kala kala kha ia u khun hapoh kali 108 ha phyllaw jong ka NEIGRIHMS Hospital ha ka 30/6/2020 bad mynta ka dang don ha katei ka jaka sumar.

Katkum ki lad jingtip kiba u SP News Agency u la ioh la iathuh ba kane ka long kmie kaba la dap bnai ban leit kha khunlung la ialam ia ka da kawei ka ASHA kaba dei hapoh jong ka Umden PHC hapoh kane ka jaka sumar, hynrei la phah ia ka sha Civil Hospital Nongpoh bad na Civil Hospital la phah sha Bethany Nongpoh ban leh ia ka scanning.

Haba la ioh ia ka report la rah sha Civil Hospital Nongpoh bad nongtei kila wan sha Robert Hospital Shillong, hangne ruh kim shym la pdiang kumta la rah sha Nazareth Hospital bad na Nazareth Hpsital la rah sha Bethany Hospital Shillong bad na kane ka Hospital la kit sha NEIGRIHMS da ka kali 108.

Haba la poi sha NEIGRIHMS kila test COVID-19 bad kala don ka jingpynslem haduh ba kane ka long kmie kala hap ban kha ia i khunlung hapoh ka kali 108 ha phyllaw jong ka NEIGRIHMS Hospital Shillong bad kane ka long kmie ka dang shah sumar ha kane ka jaka haduh mynta ka sngi.

Ki thymmei khubor ki iathuh ba kane ka jingkha jong kane ka long kmie hapoh Ambulance 108 ha phyllaw NEIGRIHMS ka long ba ki test COVID-19 bad ha kane ka jingpynslem kane ka long kmie kala kha hapoh kali bad ha dien kane ki sa shimti na NEIGRIHMS.

Kiba la iarap ban pynkha hapoh kane ka ambulance 108 ki long u bah Galdi Hynniewta bad dei u EMT bad u nongniah ia kane ka Ambulance u Bah Satiar Khrkongor.

What Next?

Recent Articles

Leave a Reply

Submit Comment

*