Shillong, Lber 27: Kane ka dei ka sngi kaba lai ha kaba ki paidbah ki dang ialum lyngbung ha khmat jong ka ophis jong ka Deputy Commissioner jong ka East Khasi Hills ba ki briew ki hap ban leit ban pan ia ki pass na ka bynta ka jingdon kam ka jong ki ban leit ban wan.
Kane ka jingiaap ban ioh ia ka pass ka long lymbrum ha kaba kam don kata ka jingiajngai para briew ia kaba la tip kum ka “Social Distancing” bun ki buh ka jingkylli hato kane kan pynkhien ia kata ka jingbtah jong ka sorkar.
Kane ka jingialum paidbah ban ap ia ki pass hato kan pynkhien ia kata ka jingbtah ban ia jngai para briew. Ban iada na ka jingialymbrum para briew, ki ba leit ban pan pass kila dei ban shim ka jingkit khlieh ban ia jngai i wei na i wei ha ka jingiaieng lain katban da poi ka pali jong ki.
