Shillong, Nohprah 22: hato ka jingjurip ka ONGC Ltd ia ka par umphniang ha Hima Dawa Nongtyrnem ha Khasimara kala kut ? kane ka jingkylli namar kala shu sangeh kynsan naduh ki snem 1990.
Ka ONGC kala sdang ban leit sha katei ka jaka naduh u snem 1987 bad kala iaid ter ter ka jingjurip haduh u snem 1990, ha katei ka jaka kaba la tip kum ka Khasiamara, kala shna ia ki surok bad ka jingksam shapoh meiramew ruh kala iaid da ki snem.
Haba ia dei bad kane ka jingjurip ia kane ka par umphniang na ka liang jong ka ONGC ha u snem 1987 kala shim ruh ia ki jaka jong ki briew da kaba siew ia ka bai jaka bad kane ka kam kala poi sha ka iinglieh iingsaw.
Kaba ki paidbah ki kwah ban tip mynta ka long hato kane ka jingwad ia ka jingdon ka umphniang ha katei ka jaka kala kut ne ka dang sah shiteng lynti, lada kala kut kito ki jaka kiba la shim da ka ONGC Ltd kan phai biang sha ki trai ne kan leit sha ka sorkar kane ka jingkylli.
Ka ONGC Ltd kan nym leit ban ksam ia ki khlaw ban shna ia ki surok khlem ka jingtip jong ka sorkar jylla bad khlem ka jingtip jong ka KHADC, ki briew katei ka thain ki kwah ban tip ai la jia ia kane ka jingjurip jong ka ONGC Ltd ia ka par umphiang ha katei ka jaka.
