Jowai, Nailur 28: Ka Hynñiewtrep Integrated Territory Organization Jaintia hill District Ka pynpaw ka Jingsngewdiaw bad sngewsih jur ia ka rukom man rukom long Jong ka College Kaba rim bha ha poh Jaintia Hill ka Kiangnangbah kolej.
Haba ki peit ia ki jigneh jong ki samla pule wad class ha kane ka college ka seng ka iohi ba man la u Snem bun ki khynnah ki bymioh rung klas shuh ba bun palat ki khynnah wad class, namar ki khynnah pule baduk ba duna kiba bun ki wad class ha katei ka kolej.
Man la u Snem ki samla pule ki khynnah pule ki hap ban ia kynduh bad pynsngew sha ki bor ba halor ban leh eiei ban pynioh klass ia ki khynnah pule ha katei ka kolej daki phew snem ki ne ki Jingeh kimih ha duh mynta,hynrei ha duh mynta na Ka liang ki MLA Jong Ka Jaintia Hills kim shymleh ei ei ia kine ki jingeh kiba ki samla pule Ka thain Jaintia ki ia kynduh.
Kum ki paidbah nongshong shnong Ka Rilum Jaintia ki juh iohi man la ka San snem baroh ki seng sain pyrthei ki pynrung beit ha ka kular ilekshon jong ki ban kren ia ka Jingeh jong ka Kiangnangbah koljej hynrei da la kut ka ilekshon ki jingkular baroh kila kut, la kynnoh ka HITO.
Ka jigneh kane ka kolej kam dei tang ia ka jingioh rung klass, hynrei ka jingbym lah ka sorkar ban thung ia ki nongtrei hapoh kane ka kolej, ia kiba don ruh haba kila shakri da ki bun phew snem hynrei kam don ka pynshon na ka bynta jong ki kane ka dei ka jingleh bymsuiniew jong ka sorkar ia ka Jaintia Hills kynnoh ka HITO.
Ka HITO ka ong ba ka sorkar ha kien ki sngi kala ialeh ban pynbiang ia ka jingdon kam ki kolej, hynrei ia ka kiang Nangbah Kolej ka sorkar kam shym la leh ei ei la kynnoh kane ka seng na ka liang ka seng HITO ka ka kyntu ia ki MLA ka Jaintia Hills ba kam dei ban kut tang ha ka por ilekshon ki dei ban leh ei ei ia kane ka kolej,a la pynkut u Lawyerson War president ka HITO Jaintia Hills.
