Shillong, Jylliew 8: Ki paidbah jong ka jylla Meghalaya ki phai khmat sha ka jingialang jong ka kabinet ka ban long la shai ka sngi ba kin ia kren ha kaba ia dei bad ka jingtrei kam jong ka MeECL.
Ha kine ki sngi kila mih ki jingpyrshah ia kata ka jingthmu ban ai pyniaid ia ki katto katne tylli ki bynta jong ka MeECL sha ki kompeni shimet, kum na ki MLA jong ka Jaintia Hills, ka UDP kala kyntu ia ka sorkar ba kan da bishar bha bad na ka liang jongu myntri rangbah ka jylla u la dep ban pynpaw ba ka MeECL bad u myntri kam bor ding ki pyrshah.
U Myntri Rangbah ka jylla u Cornad K Sangma ha kine ki sngi ki u la dep kren bad buh ka jingkylli hata ka sorkar kan dang bteng ban bah khlieh ia ka MeECL, khamtam ha kaba ia dei bad ka Nirman Bharat Loan kaba la shim na ka REC bad ka PFC, ka jingiakren hapoh ka labinet la shai ka sngi kan long halor kane ka phang.
U Myntri rangbah u la ong ba don kam ban buh ruh ia ka jingbhah khlieh ia ka MeECL ha kaba ia dei bad kane ka kam bad ka rai kaba khatduh ban shim ia ka rai kan long ka kabinet ka ban long la shai ka sngi ban shim ia ka rai, la sorkar jylla kan shim ia ka jingbah khlieh ia ka MeECL ne em.
U Myntri Rangbah ka jylla haba kren ha ki lat pathai khubor ha kine ki khyndait sngi kiba la dep u la pynbna ba ia ka rai kaba khatduh kan shong ha ka jingialang jong ka kabinet kaban long la shai ka sngi Balang.
