Shillong, Naitung 13: Ha ka sien kaba nyngkong eh, ka Myntri kam pla tyngka bad kam Kompenijong ka Sorkar Pdeng, ka NirmalaSitharaman, ka la leitjngohïa ka shnong Sohbar ka shnong khappud kaba itynnad bad kaba don ha ka jaka kaba biang bha ha East Khasi Hills jong ka Jylla Meghalayakaba ban jurïa ka jingphaikhmat jong ka Sorkar Pdeng halor ka jingkyntiewïa ki thaiñkhappud hapoh ka Vibrant Villages Programme (VVP).
Haba ai jingkren ha ka jingialang kaba kynthup ia ki nongshong shnong jong ka thain, ki khynnah skul bad kolej, bad ki ophisarsorkar, kaMyntri Sorkar Pdeng ka la ban jur ba ki shnong khappud kum ka Sohbarkim dei kiba khatduh, hynrei ki dei ki jaka ba nyngkong eh ban iakynduh ia kito kiba rung sha India.
“Ka long ka burom ban don ha Sohbar mynta ka sngi. Nga la jiedia kane ka jaka namar ba u Myntri Rangbahduhu ngeit ba ki shnong khappudkim dei ka jingkut jong ka India, hynrei ka dei ka jingsdang jong ka. Kine ki dei ki khmat bad ki shkor jong ka ri jong ngi, bad ki dei hok ban ioh ia ka roi ka par kaba hakhmat eh”, ka la ong.
Ka Sitharaman ka la ong ba ka bynta kaba ar jong ka Prokram Vibrant Villages mynta ka nang pyniar ia ka jingpoi jong ka sha ki thain khappud jong ka thain lammihngi, kynthup ia ka jylla Meghalaya.
Ka la batai shaphang ki saw tylli ki phangpdeng ba kongsan jong ka roi ka par na ka bynta ka VVP ha Sohbar- Ki jingdon jingem ba iadei bad ki surok, ka jingpyniasoh , ka jingpynpoi ia ka jingpynitelebishon bad ka jingioh bording.
Ka Myntri ka la pynthikna ba baroh ki jingshakri ba kongsan, kynthup ïa ka jingïoh ia ki kam bank bad ki jaka treikam kiba iadei bad kapisa hapoh ka jingjngai kaba 5 km, ka pule puthi, bad ka primary health care (PHC), yn pynthikna hapoh ka prokram.
“Nga la ïakren bad u District Collector. Da palat 1,600 ngut ki briew kiba sah hangne, ka VVP kan pynthikna ba yn kynthup ia man la ki longïing.Yn ym don manomano ban shah iehnoh,” ka la pynskhem.
Da kaba ithuh ïa ki lad ba iadei bad ka kam jngohkai haSohbar, kaba don ha khappud jong ka wah kaba itynnad bad kaba la kersawdong da ki jaka ba jyrngam, ka Myntri ka la ai khubleiïa ka Sorkar Meghalaya kaba la thmu ban pynlong ka jaka pdeng ha kaba iadei bad ka kam jngohkai pyrthei da ka jingïarap na shabar, kynthup ïa ka jingkyrshan na ka New Development Bank (NDB).
“Ki jingdon jingem ba iadei bad ka kam jngohkai pyrthei kin wanrah ïa ki nongwanjngohkai pyrthei bad kin pynmih ia ki lad kamaikajih, kaba pynlong ïa ka ïoh ka kot jong ka thaiñ jong phi kaba kham khlain,” ka la ong.
Ka la ïakren ruh bad ki samla bad ka la pynpaw ka jingsngewnguhïa ka jingdon bun ki samla pule kynthei ha ka jingialang. Ka la ban jur ia ka jingdonkam jong ka jinglah ban ioh ia ka digital, ka jingkyntiew ia ka pule puthi, bad ka jingkyrshan ia ki nongtrei kti, da kaba pynpaw ba ki samla ha ki thain khappud ki dei ban ioh ia ka lad ban kiew ha ka thain.
“Ka shnong jong phi ka dei ban plie ki lad ki lynti, ym ban pynlong ïa phi ban leitbuhai shnong. Da ki atiar digital bad ka jingpynpaw pyrthei, wat ki nongtrei kti naSohbar ki lah ban khringïa ki nongthied na kylleng ka pyrthei,” ka la ong.
Ha ka jingkrenpynkut jong ka, ka Myntri ka la pynpaw ka jingbymlah ngeit ba ym shym la don uwei ruh u Myntri ka sorkarpdenguba la wan jngoh ia ka Sohbarmynshwa. “Ka long kaba ym lah ban ngeit ba nga dei ka Myntri Sorkar Pdeng ba nyngkong ban wan jngohïa kane ka shnong kaba itynnad.
Hynrei mynta, ki jingkhang ki la plie. Kane ka dei ka jaka ba pahuh u slap, ka imlang sahlang kaba iar, bad ka long kaba kordorïa man ka khyllipmat kaba ngapynluthangne. Nga kyntu ïa ki nongshong shnong ban bteng ka jingïatreilang bad ka sorkar bad ïarapïa ngi ban sngewthuh kham bha ïa ki jingdonkam jong phi,” ka la ong.
Ka jingleitjngoh ka pyni ia ka por kaba kongsan ha ka jingpyrshang jong ka sorkarpdeng kaba dang iaidshakhmat ban pynkylla ia ki shnong khappud jong ka India sha ki kor jong ka roi ka par, ban pynthikna ka jingpyntreikam pura ia baroh ki skhim jong ka sorkarpdeng bad ban thaw ia ki shnong kiba khlain, kiba lah ban kyrshan dala de.
