Hiar ka seng MACC sha Mawsynram ban sdang ialap ia ka ‘Clean Political Campaign’

Shillong, Risaw 21: Ki katto katne ngut ki Samla Rangbah kiba long ruh ki Nongshong Shnong hapoh ka Jylla Meghalaya, kiba don ia ka jingmut bad jingthmu na bynta ban ialam halor ka lynti jongka jingbha, kila mih paw hapdeng ka kynhun Meghalaya Awaken Concern Citizen, mynta ka sngi ka 20 Tarik jong u bnai Risaw na ka bynta ban pynlong ia ka Clean Political Campaign kaba nyngkong.

Kitei ki Rangbah ki la hiar shapoh ka Shnong Mawsynram kaba hap hapoh ka Mawsynram Constituency ban sdang pynlong ia ka Clean Political Campaign da kaba ynieng ban pynshai sha ki Paidbah jongkatei ka thaiñ halor ka Hok bad ka Nongkynti kumno ban long ki Nongthep Vote kiba khuid hashuwa jongka Election MLA kaban sa wan ha u snem 2023.

Ia katei ka kynhun la ioh ruh ban synran ryngkatlang da ka jingialam jongki Nongialam ka Awaken India Movement Meghalaya State Unit. Ka jingiaid lynti kanlong halor kiba bun ki bynta kiba iadei bad ka jingpyrkhat kaba janai na bynta ban wanrah ia ka jingkylla.

ka jingkylla lah ban wanrah lyngba ki Paidbah Nongthep Vote ba ymdei ban die duh ia ka Vote sha ki Politician kiban ieng iakhun na ki Political Party bapher bapher bad ruh ban pynshai kumno ban jied ia u ne ka Nongmihkhmat ba janai na bynta ban wanrah ka jingkylla bad ban kyntiew ha la kajong ka dong bad ka thaiñ jong ki bynta ba donkam na bynta ka lawei ban sa wan.

Ka jingialang ka la tyllun naduh kapor 12 baje mynsngi lyngba ka jingpyniaid I Bah N. Dohling bad ka kynhun kam shym la shah ban wanrah ka jingkynthoh iano iano ruh bad kaba donkam ban pynpaw kalong beit halor kumno ban pynshai sha ki Paidbah Nongthep Vote halor ka rukom bad ka kyrdan ban long u MLA na bynta ka jingbha da ka lynti kaba ki Nongthep Vote kidei ban pyrkhat halor ka hok kaba janai.

Ha katei ka sngi nakaliang jongka kynhun ka la khot ruh ia baroh ki Candidate na ki Party bapher bapher ba kin donlang ha kaban iashim bynta lang halor katei ka rynsan kumno ban pynshai sha u paidbah nongshong shnong halor ka Hok bad jingshisha kum ki briew kiba sngewthuh bad shemphang.

Hynrei ha kane ka sngi nakaliang jongki candidate ba la khot kyrpang na ki seng saiñ pyrthei kum ka BJP, NPP, UDP, TMC bad dei tang u Bah Gopalstone Hynñiewta u ban long u candidate napoh ka Seng Congress napoh Mawsynram Constituency u bym shym la kyntait ban don ryngkatlang bad ruh khlem kano kano ka jingsngewthuh bakla.

La ioh ia ka jingkren kaba sdang na u Bah Charli Mawlieh napoh Nongstoiñ, iba la pynsngew sha kiba bun balang ba kumno nginlong ki briew kiba iohi jngai na bynta ka hok kaba donkam ha kaba ngilong ki Nongthep Vote hapoh la kajong ka Constituency.

U la pynpaw ruh ba ka jingjied ia u ne ka Candidate banlong ki MLA ka shong halor ka rai jongngi halide shimet katkum ka nongrim kaba ngidon iano ban jied. U la ong ba ymdon ba lah ban pynbor ne wat ban thied duh noh ia ka Vote tang namar ka Pisa bad lada kumta kanlong kan wanrah ka jingeh kaba khraw hadien habud bad ruh kan kylla long noh ka jingsniew kaba tieng ia barohlang kiban dang im hangne ha sla pyrthei na bynta ka lashai.

U la kyntu jur ia ki paidbah ba kidei banlong kiba husiar bad ruh ban kiar noh na ka jingbiet tyngka kaban kylla long noh da shisha kum ka lad khaïi pateng ymshuh kaban wanrah jingkhuid hapdeng jongki paidbah nongshong shnong kiba la don ryngkatlang bad u MLA.

La ioh ia ka jingkren kaba bud na u candidate jongka party congress napoh katei ka Constituency uba la ai ka jingiaroh halor kane ka phang pdeng kaba ka kynhun ka la wanrah na ka bynta ban tei ia ka lawei da kaba ieng iada khamtam halor ka hok bad ka jingshisha kumno banlong ki Nongthep Vote ba pura.

U la ong ba kane ka kynhun ka long shisha kaba donkam na bynta ka Hok kum ki Paidbah Nongthep Vote ba kidei ban don namar kamdei ka kynhun kaban ialap ne pyrta Election ne wat ban kynthoh iano iano ruh bad tang kawei ka lynti kaba la iaid kum ka kynhun kalong beit ba kumno ki paidbah ki iaid halor ka lynti kaba khuid jongka election ban wan ha kaban jied Nongmihkhmat.

Nakaliang jong u bah G. Hynniewta im shym la pan jingkyrshan hapdeng kane ka rynsan kum u Nongmihkhmat na ka party hynrei nakaliang jong u ruh u la ong lada ki paidbah ki angnud ia ka jingkylla kaba kongsan ki donkam ban peit bniah ia uba kumno u kyrtong ban iakhun election uba biang ban jied ba unlong u MLA ha kane ka kynti kaban sa wan jong u snem 2023.

U bah G. Hynniewta I la pynsngap ruh ia ka jingkren jong I Bah Banshai Marbaniang hapoh Motphran Shillong, kaba I la ong ba “Ko ki Paidbah Nongthep Vote, to shim beit ia ka pisa bad wat kyntait lada ai mano mano ruh kiban ieng election lada dei 500, 1000 ne 2000 ruh bad hashuwa ban jied ia u ne ka Nongmihkhmat kiban long ki MLA, MDC ne MP, sngewbha ban peit bniah ia kiba nang bastad bad kiba iohi jngai na bynta ka hok kaba janai ban wanrah ki jingkylla halor ka shongsuk shong shngaiñ jongki paidbah”.

U la pynpaw shibun kiei kiei kaba kum ki paidbah kidei ban long kiba iatylli lang khlem ka jingpharia shane shatai khnang ba kanlong da shisha ka bor ba khraw halor ka bynta kaba kum ki Nongthep Vote kaba dei ban long kiba husiar ympat halor ka jingbieit tyngka tang na bynta shimet khlem da pyrkhat jngai halor ki 5 snem kiban sa wan.

La ioh ka jingkren na u Bah Banshai Marbaniang uba long u Nongialam jongka kynhun AIM Meghalaya State kumjuh bad jongka Meghalaya Awaken Concern Citizen (MACC), da kaba ila pynpaw bad ban jur ia ki paidbah jongka thaiñ baroh kawei ba ymdei shuh ban shu pynlong kamkai ia ka nongrim kaba u Blei u la aiti ha ngi kum ki briew manla iwei pa iwei.

U la kyntu jur ruh ia ki paidbah ba kumno kin iohi jngai da kaba peit bniah ba katne ka jingsakhi halor ka jingjot jingpra jongka Jylla na ki MLA kiba long ki Nongmihkhmat bad Minister ha kane ka kynti jongka 5 snem ba mynta kaba dashisha ka la wanrah ia ka jingjot jingpra ha kiba bun kiliang kynthup naduh ka kamai kajih jong u duk u rangli, ki lad iohkam iohjam jongki Samla pule, ka jingshah pynduh jong kiba bun ki mar rep bad ki mar pohkhyndew kiba mih hapoh la kajong ka thaiñ, ka jingnang hiar ka pule puthi kaba dang iai sah kumjuh haduh kat kine ki sngi bad baroh kiwei kiwei kiba khlem da don mano mano ruh kiban ieng ban sakhi na bynta ka jingbha khamtam lei kum ki MLA bad kiwei kiwei.

U Bah Banshai Marbaniang iba la kdew ruh ba ka jingnang hiar halor ka synshar ka khaddar da kaba la pynrung lut kumno ban ialeh politiks da kaba pynbiet ia u paidbah halor kiba bun ki bynta khlem da pyrkhat shuh ia ka synshar kaba khuid bad ba laitluid pynban da kaba la wanrah ban pynlong tang kum ka lad kamai pisa shimet jongno re jongno.

U la kyntu jur ia ki paidbah ba naduh nangne shakhmat kumno ba ngi kum ki briew nginlong kiba phikir na bynta ka hok bad ka jingshisha halor ka kamram ba ngi long ki Nongthep Vote bad ba ka bor baroh ka shong hapdeng jongngi manla iwei pa iwei ba ngin ai ka jingkyrshan ymdon balah ban thied khlem ka nongrim jongka hok kaba manla iwei pa iwei kaba ha lade ngi bat.

La ioh ia ka jingkren pynkut na u Bah B. G. Lapang napoh ka thaiñ Ri-Bhoi iba la kyntu jur ia ki paidbah kumno ban ieng skhem ha kaban iada ia ka lawei khamtam eh halor ki khun ki kti kiiba dei ban ioh ki kam ki jam bad kumjuh ruh ki Surok kiba long u budlum jongka roi ka par kaba ki MLA ki MDC kidei ban wanrah ia ka jingmyntoi jong u paidbah.

La pynkut ruh ia ka jingkren da kaba ieng sakhi hakhmat jong u Paidbah jongkatei ka thaiñ ha kaba kumno ba nginlong kiba husiar ia kaba ynlait noh naka jingshah thied Vote tang ha ki heh spah bad ruh ba ymdei ban ai ia ka vote sha ki heh spah kiba dei ki Nongkhaïi na bynta ka spah ioh ba kinsa wanrah kylla kumno ban kynshew da ka pisa jongngi u paidbah sha la kajong ka pla tyngka shimet ka jongki kumba la sakhi hapdeng kine ki Nongialam Sorkar kiba mynta.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet