Shillong, Nailur 08: U Myntri rangbah ka jylla u Cornad K Sangma u la ong ba ka dei ka jingshisha ba ka sorkar pdeng ka kwah ban thing ia ki dieng “Palm” ha kane ka thain shatei lam mih ngi jong ka Ri India bad kane ka jingthmu ka long kaba bha ha kaba bun na ki jylla ha kane ka thain ki kwah thung ia kine ki dieng ban pynmih umphniang.
Ka sorkar pdeng ka kwah ban leh ia kane da ka jingthmu ban kyntiew ia ka ioh ka kot jong ki paidbah nongrep, hynrei na ka liang jong ka jylla ka kren shai ba hap ban wanrah ia ka tarajur kaba long pdeng.
U Myntri Rangbah ka jylla u la ong ba kano kano ka rai kaba ka sorkar kan shim kan nym ktah ia ka mariang, kan nym ktah ia ka jingdon ki khlaw, lada don ki jaka ba long shrah bym don dieng ei ei ia kum kine ki jaka lah ban pyndon kam da kaba thung ia kine ki dieng palm.
Kane kan long ka jingmyntoi lada jai ba ki don ki jaka ba kin long ki jingmyntoi ia ki paidbah ban kyntiew ia ka ioh ka koit jong ki briew, la ong ba ka sorkar lada ka shim ia kano kano ka rai kan shim ha dien ba kila sngewthuh shai bal ah ban iada ia ka mariang, lah ban ia da ia ki trai jylla.
U Myntri rangbah u la ong ba kane ka dei ka jingtyrwa jong ka sorkar pdeng kin sa peit haduh katno ki lah ban iaid bad lada ka sorkar ka dei ban iaid sha khmat ruh kin leh tang lada kila dep ban peitbniah na baroh ki liang.
