Ia ka “Border Hat”  ha Ryngku hapdeng ka India bad Bangladesh yn sdang  mynta u bnai

Shillong, Jymmang 01: Ka ophis jong ka Deputy Commissioner jong ka East Khasi Hills District  kala pynkhreh ban sdang noh ia ka iew “Border Hat” kaba don ha Hatmawdon -Ryngku ha East Khasi Hills District kin pyntreikam noh ha ka 12 tarik mynta u bnai.

U Bah Jai Skhemlon Sirdar jong ka Hima Mawdon haba kren ha u SP News Agency u la iathuh ba ia kane ka “Border Hat” la plie da u myntri rangbaduh jong ka Ri India ha ka 11th Nailar 2021 ha ka por ba u leit sha Bangladesh, ia kane ka hat la plie ha ka jingdon lang ka myntri rangbahduh ka Bangladesh lyngba ka Video Conferencing.

La iathuh ba ha ka 12 tarik mynta u bnai ka long ba sdang pyntrei kam noh ia kane ka iew ha kaba ki briew na India bad Bangladesh kin ioh ban ia wan ia thied ia pet hapoh kane ka iew kaba la tip kum ka Border Hat.

Ki jingduna kiba dang don ha kane ka iew ki long ka jingbym pat pyntrei ia ka surok kaba la don ban shna pynbha kaba jngai kumno 1km na Hat Mawdon ban poi sha kane ka iew, ka jingbym pat don ka jaka ieng kali, ka jingbym pat biang ka um kine ki dei ki jingduna ia kaba ka sorkar kala pynkhreh ban pynbiang ia ki jingdon kam.

Ka sorkar pdeng kala mang pisa T.6 klur na ka bynta kane ka Border Hat ban pynbiang ia ki jingdon kam baroh, la iathuh ba haduh mynta la pynlut T. 3 klur tyngka bad kaba dang sah lai klur na ka liang jong ka sorkar kan pynbha ia katei ka jaka, kan long kaei kaei kaba bha ban ioh sdang ia kiba dang sah sdang pynbiang.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet